هل تنتهي الصداقة بموقف او كلمة ؟

[سيف الامير]

هل تنتهي الصداقة بموقف او بكلمة ؟؟؟؟

الصداقه

تحدثنا عنها كثيراً .......
وجميعنا نعلم عنها الكثير ......

أسألتي موجهه لكل شخص

انتهت صداقته ... بصديقه ........

هل تفاجأت يوما بكلمة من صديق أدت إلى إنتهاء هذه الصداقة؟

هل من المعقول أن كلمة تنهى أجمل علاقة صداقة قد دامت لسنوات؟

هل الصداقة بروابطها المتينة متوقفة على كلمة ؟


كيف ذلك

ألا يغفر له ماضيه معك؟

سنوات الطفولة ..


سنوات المراهقة ..


سنوات عشتم فيها حلو الحياة ومرها ..


سنوات قد مرت بها أجمل لحظات بحياتكم..

هل ينتهي كل هذا بمجرد كلمة؟


قد قصد قائلها ماقاله


ولكنها أتت في لحظة غضب


وقد ندم عليها بعد ذلك


هل ستتفهم موقفه وتسامحه ؟

أم تنتهي علاقتك به في تلك اللحظة؟


وإذا تكرر منه الإعتذار ووسط الوسائط لكي تعود تلك الصداقة


هل ستسامحه ؟

وإذا سامحته


هل ستعود تلك العلاقة كما كانت؟

أم إنها ستعود ولكن بحدود؟

تحياتي الكم

طبعا اني شخصيا مريت بهيج تجربة

انتهت علاقتي بشخص قضيت ويا احلى سنين الدراسة المتوسطة والاعدادية و الكلية والعسكرية والماجستير
وكان بالنسبة الي كلمة اخوية قليلة بحقة

سيف الاميــر
14/2/2010

[محمد الجبوري البغدادي]

يا اخي يتوقف الامر على نوع الموقف او الكلمة فاذا كان موقف غدر فهذا لا يغتفر لانه من غدر مرة يمكن ان يغدر بعدها ...
واما الكلمة فان كانت افشاء سرة او كلمة تكون كالسم بالدسم فهي ايضا لا تغتفر وما عدا ذلك فالتسامح ممكن ...
شكرا على الموضوع المميز

[مطر السماء]

مشكور اخي سيف لرقي مواضيعك وتميزك في طرحها

صراحه اني صادفني مثل هيجي موقف قبل حوالي شهرين
جنت اعتبره اعز اصدقائي واقربهم لي على الاقل في مجال دراستي و جنا جدا مقربين الى درجه جبيره
لكن اخر فتره اتفاجأت بتغير تصرفاته ويايه بشكل ملحوظ ورغم هذا كلت مو مهم هو صديق وكلمة الصديق مقدسه بالنسبه الي بشكل جبير
وتوالت المواقف والتصرفات الي جانت تستوقفني وافكر مرات اكول معقوله هو هذا نفسه الي اتعرفت علي واعتبرته اخ وصديق
بالرغم انه اني قدمت اله تنازلات
الى ان اجه هذاك اليوم الي يفاجئني بي احد الزملاء ويكلي فلان (الي هو صديقي) حاجي عليك كذا وكذا ويكول عليك انت لازك بي وهو بس يريد يتخلص منك وان انت وغف واكتيفيا (وما الى ذلك من المصطلحات الشائعه)
ما اعرف بهذا الزمن الصداقه والاخلاص تعتبر لزكه
بيومها ظليت افكر طول الليل الى ان توصلت الى قرار قطع علاقتي بهذا الشخص كليا وبكل هدوء سحبت نفسي من دون اي مشكله
لكن جنت مقهور على شي واحد بس هو صداقتي واخلاصي والاخوه الي منحتها اله لان اعتقد هيجي شخص ميستاهل عشر هاي المشاعر الاخويه الصادقه الي حملتها اله في يوم من الايام
الحمد لله كدرت اتجاوز المحنه وكمت كلما التقي بي او يمر من يمي ولا يأثر بيه قيد شعره لان هو خلص انتهه من حياتي وحتى الذكريات الي تجمعنه سويه كدرت اتخلص منها واطردها من فكري
بس مع الاسف اكو مثل هيجي اشخاص ميقدرون شي اسمه صداقه واخوه
فلهذا لازم الواحد يكون جدا دقيق باختيار اصدقائه وما يأمن بيهم الا بعد فتره طويله من العشره
اسف عزيزي لاطالتي
تقبل مروري المتواضع

[حيدر دكله]

تعتمد على نوع الموقف
لكن ما اعتقد ؟بكلمه كولشي ينتهي

[سيف الامير]

محمد الجبوري
مطر السماء
حيدر دكلة

منورين الموضوع

[اسكندر الكبير]

والله اني بالنسبه الي انه الصديق اذا غلط وياي بموقف او حاله صارت بيناتنا وهو الغلط مااتركه بس انبه وانطي مجال حتى يعيد حساباته وبعد ذلك اني متاكد راح يجي واني طبعي الصديق مااعوفه وحتى لو كان الموقف قوي جدا

اسكندر الكبير

[سيف الامير]

منور
اسكندر الكبيـــر

[على امين]

اكيد الصداقه الحقيقية لا تنتهى بموقف

ولكن معظم حالات الصداقه تنتهى من

وجهة نظرى لثلاث اسباب وهى

1_ التغير

2_ الاهمال

3_ الخيانه او خيانة الثقه بجميع انواعها


شكرا على الطرج القيم

تقبل مروري بصفحتك العطره

علي امين

[شمس البصرة]

والله هي الصداقة احلى شي بالوجود

ميصير تنتهي بكلمة او موقف لان مو سهله واحد يلكه صديق



مو كل الصداقة تنحسب خوان
ولا كلمن يعاشر صاحب يوافي
ومو كل الابحار تنحسب خلجان
ولاكلمن يغمض ينحسب غافي
وموكلمن تحبة بيه الوفا عنوان
ولاكلمن ينكطع يعتبر جافي
صدكني محبتك تمشي بالشريان
ولكلبي نبع ..دومك تظل صافي
اخوي انت وصديقي وتاج عالخلان
خليني على بالك دوم اظل غافي
رسمتك احلى لوحة وتاهت الالوان
وشما اكتب بحبك والله مو كافي

[الجوهرة الامعة]

الصداقة كلمة جبيرة ومااضن بكلمة اكدر ازعل من صديقتي بس حسب الكلمة الي تكولهه وبعتبار هية صديقتي صارلهه عمر اعرف اذا جانت تحجيهه بقصد لو لا .مشكور على الموضوع الرائع تحياااااااتي

[عازفه الصمت]

حسب الموقف بس مو نسرع وننهي كل شي اولا نفهم وجهت نظره الشخص المقابل احتمال ماكان يقصد تحياتي شكرا علموضوع