مشكة باجهاز نوكيا 6600

[محمود البغدادي]

السلام عليكم شلونك شباب ....
اني محمود البغدادي عندي مشكلة كلش جبيرة بجهازي النوكيا 6600 (دب)
واريد منكم الحل بسرعة اذا ممكن :
مشكلتي هي جهازي النوكيا 6600 مايشتغل البلوتوث ولا الاستوديو ولا الكاميرا والجهاز كلة ثكيل شسوي اخوان ؟؟؟؟ ؟؟؟؟؟؟؟؟؟؟؟؟؟؟؟؟مو روحي طلعت بعد اشوية اشيل الجهاز واركعة بالكاع طكت روحي والله العظيم ...




اريد الجواب على البريد الاكتروني (تم حذف الإيميل لأن عرضه مخالف لشروط المنتدى)
او على البريد الاكتروني الثاني (تم حذف الإيميل لأن عرضه مخالف لشروط المنتدى)
واني انتظر الجواب اخوان




شكرااااا

[حسام الحيالي]

اخي العزيز
اولا احتمال قوي الجهاز بي فايروس فرمت الجهاز عن طريق الحاسبة وسي تهيئة للرام
اذا ما نجحت الطريقة اتبع الاتي
نزل سوفت عالى للجهاز
بس قبلهة اغسل الجهاز بالثتر ثم نشفة بعد ذلك نزل سوفت

تحياتي
حسام الحيالي

[محمود البغدادي]

السلام عليكم
شلونك اخ حسام اني فرمت الارام والجهاز بس ماكو فايده
بس اريد من توضحلي شنو الثتر بيكت على عينك يصير الجهاز



شكراا

[حسام الحيالي]

حبيبي محمود
الجهاز لازم تودي للصيانة يعني هذا الشي من اختصاص المصلحين
( الثنر ) مادة سائلة مثل البنزين يستخدم لغسل الاجهزة الدقيقة
وهو مادة سريعة الاشتعال
وشكرا

[Punisher]

أي هذ وقود مالت طيارات وهوه يستعمل لغسل الموبايلات أخويه العزيز مشكورن على الكلمات الرائعه وعلا النصائح تحياتي

[حسام الحيالي]

شكرا اخ
امير الرومانسية
على المرووووووووووووووووووور
والمشاركة

[محمود البغدادي]

السلام عليكم شلونكم اخوان اني رح اغسله بالبانزين بس عني سؤال الجهاز لمن اغسلة بالبانزين افصخ الجهاز لو لا




اني رحت لصيان الموبايلات بس محد عرفلة

[حسام الحيالي]

طبعا لازم الموبايل يتفصخ اربا اربا

شلون ابو صيانة ميعرف ؟؟؟؟؟؟؟؟؟؟؟؟؟؟ شلون ابو صيانة هذا لو اني قريب عليك جان صلحتة الك وبلاش

[محمود البغدادي]

اني رحت الى كربلاء والى الحلة واى نصف بغداد وما عرفولة ؟؟؟؟؟؟؟؟؟؟؟؟؟؟ليش انت وين موجود في يا منطقة

[alaaa]

الموضوع غير مفهوم

[حسام الحيالي]

أخ محمود البغدادي
اني اسكن الطارمية ( تفضل لمركز ماستر لصيانة الموبايل وان شاء الله نصلحة الك )
بس اريد منك توضحلي مشكلة الهاتف بالضبط والجهاز لمن تخلي على السوفت شنو يقرأ ؟؟
يعني الجهاز يتقبل بور لو لا خلي اي ابو صيانة مضبوط ينزلك سوفت عالي
طريقة ثانية :- سخن على الفلاشات الاربعة بلطف وحركهن على كيفك وبرقة وبعدين نزل السوفت
طريقة ثالثة :- نزل هذا الكود *#06# وشوف شنو يطلع الك
اذا طلعن 15 رقم ما كو مشكلة بال يو ام
واذا طلعلك علامات استفهام هيج يعني ؟؟؟؟؟؟؟؟؟؟؟؟؟؟
يعني احتمال الجهاز ميشتغل ( ما اعتقد يطلع هيج )
ملاحظة مهمة (( الرام مالتك شكد حجمة ))
اذا اكثر من 128 المشكلة بي لان جهاز الدب مصمم ليتحمل رام 128 اذا اكثر من هذا الدب يصير ثكيل

اخ alaa
المشكلة واضحة جدا

[نوكياn73]

السلام عليكم حبيبي تروح على ابو الصيانة اتكلة العطل عندي
اولا . سوفت اذا ما نجح تكلة
ثانيا . اي سي بلوتوث اذا ما نجح تكلة
ثالثا . مجمع كامل لدائرة البلوتوث اذا ما نجح
رابعا . تبدل كرستالة الذبذبة الاوسليتور اذا ما نجح
خامسا . تروح للمنصور لمركز الشامل شارع الاميرات كلة دزني عليك عمر ابو المركز التقني و ان شاء الله يسوو و اذا ما صار بقيه يمه اني كم يوم و ان شاء الله اروحلهم و استلمة منهم و اسويه الك و ارجعة الهم و ان شاء الله يصير

[نوكياn73]

السلام عليكم
يا ستاذ حسام الحيالي اريد افتهم فد مسالة ؟؟؟؟؟

ليش دتلغون مشاركتي بالمنتدى ؟؟؟؟؟؟؟

[محمود البغدادي]

السلام عليكم شلونك اخ حسام
اني هواي اشكرك على اهتمامك بالموضوع (الف رحة على والديك) بس اني رح اعيفة (للدب)بعد ما اهتملة (رح اشمرة بالشط) مشكور على هاي الرسائل مالتك

شكرااااااا


مع التحيات محمود البغداد

[حسام الحيالي]

السلام عليكم
يا ستاذ حسام الحيالي اريد افتهم فد مسالة ؟؟؟؟؟

ليش دتلغون مشاركتي بالمنتدى ؟؟؟؟؟؟؟
اخ نوكيا n73
بالعكس جميع مشاركاتك موجودة
ومحد ميتلفهة
اشكرك على مشاركاتك

اخ محمود
اني من البداية ردت اكلك بدل الدب
بس شفتك مهتم بي لان بصراحة الدب جهاز حساس كلش
واعطالة كلش هواية
بدلة اشتري دمعة او دمعتين او 6233 الملقب ب ( دبل كلك أو الثعلب 1 وهماتين نزل السعلب 2 و الثعل 3 ) اجهزة جدا راقية
تحياتي الك
وللأخ نوكيا n73