كل طالب بكلية اليرموك يدخل

[my_mother_eyes]

السلام عليكم
اخواني اصدقائي اخواتي
حبيت اطرح موضوع وهو
تعرفون كليتنا كلش صغيره ويعني طلاب السنه الجديده الي رح يجون وين رح يرحون !! واحنا وين نروح ؟
رجاءا اي شخص يعرف معلومات عن هذا الموضوع يتفضل وينورنا :037:

بالنسبه الي صار حديث ويه عميد الكليه وكال اشترينا البنايه اللي مقابيل كليتنا
وبنايه ثانيه توجد بناينه بين كليتنا وبينها بنايتين
اني افضل يبيعون هاي البنايات ويشترون بنايه وحده كبيره تكفي لكل الاقسام
ليش يفصلونا ؟؟
هي بدون اي شي وضوجه النوب :20: يفصلون الطلاب !!!!!!!!!!!!!!!!

[عاشق السيدة العجوز]

مشكور علاوي على الموضوع - اني امفكر بالموضوع وراح اطرحة يوم السبت القادم

[my_mother_eyes]

شكرا حبيبي عبد الله

[حبيب اليرموك]

شكرا علاوي عل الموضوع الحلو بس اكو مكان اني اروحله
اذا صارت مضايقات
الي هو حتى نكدر نقرا بي

يم ابو شيماء:20:
هههههههههههههههههههههههههههه

[عاشقة الاحزان]

شكرا علاوي بس يفصلون منو يعني اشكلك العميد

[HUSAM ALRUBIIY]

شباب عادي حتة اذا ماكو مكان كليتنة ماعدهم مانع ايحطونة بالسطح يمكن ننصب خيمة ويكعدونة بيهة

[زكي شان]

والله اني همين حاير وين راح نكعد ونقره والله ما ادري تقبل مروري حبي عيون امك

[صاحبه المقام الرفيع]

علي شكرا على الموضوع والله دوختني هسه صفنت احنه هالكد وممكفين انوبه يجيبون بعد طلاب شووووووون ماادري

[عاشق السيدة العجوز]

عادي

يسون فردي وزوجي

شلون حل مو خرافي

[الاسياف]

واللة بالنسبة ألنا فا اني حاير سنة الجايه منو يداوم اويانا او يترس الكلية لان راح اتصير فارغا او بالخص بعد ما راحو الحكومي من يمنا
شكراً على الموضوع الحلو

[hussein waja 2007]

موضوع حلو والله
بالعكس علاوي ليش مشكلة؟
لالالالالالالالالالالا
اني عكس تفكيرك
بالعكس اللمه احلة
شايف انت من تشوف عائلة طتسكن بيت 50 متر وهمة 12 نفر ترة كلش حلوة اللمة.
واكيد همة يكبرون البناية
بس احلة والله اللمه الحلوة
تقبلو تعليقي
حسين واجا

[الفراشة البنفسجية]

شكرااا ع الموضوع المهم_والله حيرة شلون بينة_لازم يلاكون حل؟؟لانو كلش مو خوش سالفة مال يفصلونة شنو سجن انفرادي_ اي احنة هيج كائبةشلون بعدين؟؟!!

[silent wound]

شكرا على الموضوع عيون امك
واذا اخذوا العمارة اللي كبال الكلية يعني يفصلونا
ازين واحد من يروح من قسم لقسم لازم يعبر شارع ويروح يم الاستعلامات
ويكلولك ممنوع واحد يطلع اثناء الدوام
وهذا امر من العميد
اعتقد صعبة
بس يا ريت ياخذون العمارات الورة الكلية
واللي بصفها
او يشوفولنا مكان ثاني بدل البهذلة المتوقعة
ويا ريت عبودي يسئلنا بالكلية من يمر هناك
تحياتي واسف على الاطالة

[my_mother_eyes]

مشكورين على المشاركه ونورتو الموضوع
بالنسبه لحسين واجا حبيبي انت منو كال اللمه مو حلوه ؟؟؟؟؟؟؟؟؟؟؟؟
بس اني خايف:20: يفصلونا

[مجنون ليلى]

مشكور عيون امك حلو موضوعك.
بس عندي معلومه من ابن عمته للعميد (مؤيد) يكول اشترينه البنايه الي بصفنه يعني الي بصف قسم التحليلات.


الشيئان الذان ليس لهما حدود، الكون و غباء الإنسان، مع أني لست متأكدا بخصوص الكون
البرت انشتاين

[الورده البيضاء]

هيا كليتنا صغنونه يعني تنفجر لمن يداومون الاول
خل نسوي مقترح عاشق والله خنفشاري

[البزونة الصيدلانية]

لاان شاء الله يكبروهة وياخذون البناية المجاورة تفائلو بالخير

[منبــــــر الحــــــب]

والله كلام صحيح علاوي احنه ملينا من بناية كليتنا ،خل يسوون حل

[my_mother_eyes]

منورين شباب
ان شاء الله يلكون حل
حبيبي مجنون ليلى اني سمعت من العميد نفسه كال الي ولصديقي اوس
اشترو البنايه اللي مقابيل الكليه والبنايه الثانيه بينها وبين الكليه بنايه يعني مو اللي بجانب قسم التحليلات
وان شاء الله يشترون مكان حلو كبير بي حديقه فد شي ويبيعون هاي الاماكن اللي مشتريها

طلاب اللي يروح للكليه خلي يسال على هذا الموضوع
تقبلو تحياتي

[Desert rose]

اي والله اريد اعرف احنة وين حنروح هو هسة وازدحام اذا الاقسام كلها طالعة ماكو مكان لاكافتريا ولا بلفسحة الله يسلمها وين نروووح الله اعلم وتسلم على الموضوع ثووكرن

[حمودي الوكح مصيبه]

أكو حل احسن من اللي تفضلتو بيه اخوان
يسوون تسقيط
و ينطونه تعويض
ليش زوجي وفردي
و البس الحزام وكل هاي اللغوه
يعني يشترون بنايه جبيره احسن قابل فلوسهم شويه

[my_mother_eyes]

شكرا اخوان على التفاعل ويه الموضوع تقبلو تحياتي

[toota]

اني سمعت راح يبنون طابق ثالث ببناية التحليلات وياخذون عمارة كبالنه ومايقبلون يغيرون المكان لان هذا مكان زين وامين حسب مايكولون

[hussein waja 2007]

والله يا اخوان اني هسة قريت تعليقكم كلكم
اني اشوف انتو مكبرين الموضوع هواية
وشنو يعني باعو احنه من كنا وحدنا قبل ما يجوون صف اول كلنه شلون شلون
اشو الوضعية صارت احلة
وهسة تشوفون الكلية هل سنة راح تصير احلة
والله اللمه ثم اللمة
خلونا نعيش ببيت صغير ياما ناس بيتهم 50 متر وهمة 14 شخص
والله حلو يصير تفاعل بين الطلاب وتكوم ناس تتعرف على ناس يعني يجوز واحد يعثر بالثاني ويتعرف عليه وهكذا
بالعكس الجو راح يصير احلى
تقبلو تعليقي
حسين واجا
صيدلة ثالث

[ورده اليرموك]

اني افضل ايفصلون قسم طب اسنان لان قسمنا يحتاج لمختبرات هوايه
ويكولون على اساس مشترين بنايه باب المعظم اسمها كليه الحكمه بس ممتاكده من المعلومه

[SENI SEVI YORUM]

اي حبي وردة اليرموك اني هم سمعت بكلية الحكمه بس اقسامها مو طبيه حسب مصادري
اعتقد السنه عدد الطلاب اقل من طلاب الاول مال عام بس حتى لو الكليه هم صغيره

[hshoo89]

بس اني سمعت اشترو هاي البناية اللي ورة الكلية

[عاشق السيدة العجوز]

بس اني سمعت اشترو هاي البناية اللي ورة الكلية

لا حبي مشتروهة

بس اشترو البناية الي بصف بناية التحليلات - وبدو يبنون بيها وراح يكملون على بداية الدوام

[my_mother_eyes]

شكرا حبايب على التفاعل وصح كلام عبودي
اني هم شفت العمال ديشتغلون بالبنايه

[عاشق بغداد الحر]

شكرا علاوي على الموضوع ..
اني اكول اذاهم اشترو بنايتين وهاية الثالثة خلي يقسمونة صيدلة بحد واسنان وتحليلات كلمن ياخذ راحتة...

[علي الصيدلاني]

شكرا حبي ابو حسين
همة اشتروا بناية ابصف التحليلات يمكن انقلون احد الاقسام هناك
اكو بناية صايرة باب المعظم اسمهة دار الحكمة تابعة لكليتنة بس ساديهة هسة لو ينقلون فد قسم من الاقسام اهناك مثل التحليلات لان همة بس مرحلتين احسن اشوية تفرغ الكلية
اسف على الاطالة
تقبل مروري

[عاشق بغداد الحر]

شكرا علاوي ...

[domdom]

اني اعرف شخص مسأول بالكليه وانشاء الله اوصل الاقتراح وهو رأيه مسموع بالكليه

[my_mother_eyes]

مشكورين حبايب على تواصلكم ويه الموضوع ومنورين وكل اخباركم حلوه
اني هم شفت ديشتغلون بالبنايه المجاوره للتحليلات وتحياتي الكم