البزونة الصيدلانية
09-23-2008, 04:36 PM
1. خطبة
في احد الندوات مال اطباء احد الدكاترة الاختصاص راح للمنصة يلقي كلمة ... طلع ورقة من جيبه كاتب بيهة الخطبة بس ما كدر يقراهة مع انه كاتبهة بخط ايده.... و بعدين ظل ساكت ... اخر شي كال (اكو صيدلاني هنا؟؟؟)
2. علاج فقدان الذاكرة
اكو مرة صيدلاني متقاعد عندة مشكلة بذاكرته ... ما يكدر يتذكر اي شي ... زوجتة تعاني نفس المشكلة ...فد يوم الصيدلاني قرأ بالجريدة عن دكتور يكدر يعالج فقدان الذاكرة من هذا النوع. الصيدلاني شوف زوجتة الجريدة ... كالت (اي لازم نشوف هذا الدكتور) .. و الصيدلاني رد (اي .. يلة باجر نروحلة) ... بعد 6 اسابيع من العلاج المتواصل عند الدكتور .... زاروا صديق قديم الهم .. و كاللهم صديقهم (سمعت انتو دتعالجون عد دكتور يعالج فقدان الذاكرة مو؟؟) فرد الصيدلاني (اي اني و زوجتي نتعالج عندة) فسأل الصديق (شلونة ؟ خوش دكتور؟) فكال الصيدلاني (اي ... هو افضل دكتور زرتة بحياتي ) ... فرد الصديق (تدري اني اعاني من نفس مشكلة فقدان الذاكرة هاي... اعتقد راح اشوفة ... شسمة الدكتور ؟؟) ... صفن الصيدلاني و كال (شسمة الدكتور ... شسمة الدكتور ... هممممم) و بعد صفنة كال: (شوف ... اكو فد شي بيه عودة خضرة ... و بيه ورق اخضر صغار طالع من العودة ... و فد شي مثل البصلاية بقمة العودة ... و اكو ابر ناعمة بالعودة الخضرة اللي كتلك عليهة ... و .. ها ... هذا اللي يشبه البصلاية ... هذا يكون احمر لو اصفر ... الوان ...و ريحتة كوووولش طيبة ... تعرفة هذا شنو ؟؟؟) فرد الصديق ..(اي هاي وردة ... ليش تسأل؟) فرد الصيدلاني (اي عفية ... وردة ايه..) فباوع الصيدلاني لزوجتة و كاللهة (اكلج وردة ... شسم هذا الدكتور اللي كنة انروحلة ؟؟؟)
3. وصفة
اكو مرة واحد راح للصيدلاني و طلب من عندة سيانيد ... فسأل الصيدلاني (شتسوي بيه) فرد علية قالة (اريد اكتل زوجتي) ... فقال الصيدلاني (اسف جدا ... بهاي الحالة ما اكدر اطيك سيانيد ... ممنوع) ... فطلع الزبون صورة زوجتة وراواهة للصيدلاني... فرد الصيدلاني ... (اوكي راح اطيك سيانيد ... ما دام جايب وياك وصفة)...
4. زيارة لدار العجزة
اكو مرة صيدلاني راح الى دار مال عجزة ... علمود يزور فد زبون عندة ... فد مرية عجوز ... فلكة يمها طاسة مال فستق ... ما اتحمل الصيدلاني و اخذلة فستقاية يكروط بيهة و اثناء ما كانوا يسولفون ... ما اتحمل و اخذلة فد وحدة ثانية ... المهم ... خلصوا حجي و الطاسة مال فستق فرغت بحلك الصيدلاني ... فكال الصيدلاني ... اني اسف حجية اكلت الفستق مالتج ... فردت الحجية (اي يمة عادي ... صارلي شهر من مشتريتهن ما اكدر اكلهن ما عندي سنون ... بس احطهن بحلكي كل يوم و اعلج بيهن و ارجعهن للطاسة!!!)
5. علاج ام العوافي
مرة اكو فد واحد اجة للصيدلاني و كلة (اكلك ما عندك فد شي لعلاج الحازوقة (ام العوافي) ؟؟؟) فالصيدلاني باوع للزبون ... و ضربة فد راجدي ما صاير ... الزبون رد وروحة واصلة لخشمة (هاي شبيك؟ ليش سويت هيج؟) فرد الصيدلاني (ما راحت ام العوافي؟؟)... فرد الزبون (يا غبي مو اني عندي ام العوافي... زوجتي اللي بالسيارة!!!!).
ان شاء الله عجيتكم
تحياتي
في احد الندوات مال اطباء احد الدكاترة الاختصاص راح للمنصة يلقي كلمة ... طلع ورقة من جيبه كاتب بيهة الخطبة بس ما كدر يقراهة مع انه كاتبهة بخط ايده.... و بعدين ظل ساكت ... اخر شي كال (اكو صيدلاني هنا؟؟؟)
2. علاج فقدان الذاكرة
اكو مرة صيدلاني متقاعد عندة مشكلة بذاكرته ... ما يكدر يتذكر اي شي ... زوجتة تعاني نفس المشكلة ...فد يوم الصيدلاني قرأ بالجريدة عن دكتور يكدر يعالج فقدان الذاكرة من هذا النوع. الصيدلاني شوف زوجتة الجريدة ... كالت (اي لازم نشوف هذا الدكتور) .. و الصيدلاني رد (اي .. يلة باجر نروحلة) ... بعد 6 اسابيع من العلاج المتواصل عند الدكتور .... زاروا صديق قديم الهم .. و كاللهم صديقهم (سمعت انتو دتعالجون عد دكتور يعالج فقدان الذاكرة مو؟؟) فرد الصيدلاني (اي اني و زوجتي نتعالج عندة) فسأل الصديق (شلونة ؟ خوش دكتور؟) فكال الصيدلاني (اي ... هو افضل دكتور زرتة بحياتي ) ... فرد الصديق (تدري اني اعاني من نفس مشكلة فقدان الذاكرة هاي... اعتقد راح اشوفة ... شسمة الدكتور ؟؟) ... صفن الصيدلاني و كال (شسمة الدكتور ... شسمة الدكتور ... هممممم) و بعد صفنة كال: (شوف ... اكو فد شي بيه عودة خضرة ... و بيه ورق اخضر صغار طالع من العودة ... و فد شي مثل البصلاية بقمة العودة ... و اكو ابر ناعمة بالعودة الخضرة اللي كتلك عليهة ... و .. ها ... هذا اللي يشبه البصلاية ... هذا يكون احمر لو اصفر ... الوان ...و ريحتة كوووولش طيبة ... تعرفة هذا شنو ؟؟؟) فرد الصديق ..(اي هاي وردة ... ليش تسأل؟) فرد الصيدلاني (اي عفية ... وردة ايه..) فباوع الصيدلاني لزوجتة و كاللهة (اكلج وردة ... شسم هذا الدكتور اللي كنة انروحلة ؟؟؟)
3. وصفة
اكو مرة واحد راح للصيدلاني و طلب من عندة سيانيد ... فسأل الصيدلاني (شتسوي بيه) فرد علية قالة (اريد اكتل زوجتي) ... فقال الصيدلاني (اسف جدا ... بهاي الحالة ما اكدر اطيك سيانيد ... ممنوع) ... فطلع الزبون صورة زوجتة وراواهة للصيدلاني... فرد الصيدلاني ... (اوكي راح اطيك سيانيد ... ما دام جايب وياك وصفة)...
4. زيارة لدار العجزة
اكو مرة صيدلاني راح الى دار مال عجزة ... علمود يزور فد زبون عندة ... فد مرية عجوز ... فلكة يمها طاسة مال فستق ... ما اتحمل الصيدلاني و اخذلة فستقاية يكروط بيهة و اثناء ما كانوا يسولفون ... ما اتحمل و اخذلة فد وحدة ثانية ... المهم ... خلصوا حجي و الطاسة مال فستق فرغت بحلك الصيدلاني ... فكال الصيدلاني ... اني اسف حجية اكلت الفستق مالتج ... فردت الحجية (اي يمة عادي ... صارلي شهر من مشتريتهن ما اكدر اكلهن ما عندي سنون ... بس احطهن بحلكي كل يوم و اعلج بيهن و ارجعهن للطاسة!!!)
5. علاج ام العوافي
مرة اكو فد واحد اجة للصيدلاني و كلة (اكلك ما عندك فد شي لعلاج الحازوقة (ام العوافي) ؟؟؟) فالصيدلاني باوع للزبون ... و ضربة فد راجدي ما صاير ... الزبون رد وروحة واصلة لخشمة (هاي شبيك؟ ليش سويت هيج؟) فرد الصيدلاني (ما راحت ام العوافي؟؟)... فرد الزبون (يا غبي مو اني عندي ام العوافي... زوجتي اللي بالسيارة!!!!).
ان شاء الله عجيتكم
تحياتي