شنو اطرف موقف صار وياك بالمدرسة .... ارجوا التثبيت [الأرشيف]

مشاهدة النسخة كاملة : شنو اطرف موقف صار وياك بالمدرسة .... ارجوا التثبيت

فلسفة رجل

11-02-2008, 08:31 PM

السلام عليكم ورحمة الله وبركاته

بهذا الموضوع حبيت من كل عضو يذكر موقف او مواقف مضحكة صارت وياه بالمدرسة

وهسة اني راح اكون اول عضو

بالمناسبة اني واحد ابو مواقف بس اكول الله يجفيكم شرها ههههههههههه

نبدي هسة

الموقف الاول

مرة جنت بصف ثاني متوسط والمدرسة بيها بايبين باب امامي للادارة وباب خلفي للطلاب
زين دك الجرس للبيوت رحت اريد اطلع لكيت الباب مقفولة زين اني جنت جوعان جدا جدا
فتشلبهت على الباب وطفرت فمن طفرت جلب بنطروني بالباب وانشك من الطول للطول
اني هم ما قصرت كمشت البنطرون ورجعت للبيت مثل الاعرج ايد بيها الكتب وايد كامش بيها البنطرون

واشبع ضحك عليه

هههههههههههههههههههههههههههههه

الموقف الثاني
مرة هم بصف ثاني متوسط جان يوم خميس وجان بيه اصطفاف فأني صاير شقاوة ورحت لابس شحاطة
طبعا هاي اول مرة البس بيها شحاطة
لن بالاطفاف كالوا كلمن لابس شحاطة يطلع بره فأني غلست ورجعت ليوره جان الكه المعاون وراي فطلعت
احنة جان بينه يمكن 50 طالب او اكثر وراها ودونه لمختبر الكيمياء وكالوا نزعوا شحاطاتكم كلها
استاذ يبو الغيرة يمعود ماكو الا تنزعوها
فنزعناها ورحنة للصف حفاي وبقت اني بالصف من اول درس لأخر درس وبالأخير رحت اخذ شحاطتي لن المدير يكلي ماكو باجر تجي تاخذها وهم تواسيل واللؤي اشتغل عندي فد مرة بس هم ما فاد
لا اكلكم ولا تكلولي رجعت للبيت مشي واني حافي والله وكيلكم يمكن وحدة من البنات ماتت من الضحك
اني مغلس ومدنك راسي وماشي ما ادري شكو ماكو بس اسمع الضحك

هههههههههههههههههههههههههههههههههههههههههه

الموقف الثالث

مرة بصف الثاني متوسط اصبعي الله يجفيكم الشر (طولع) فرحت شلت الاظفر بعدها ما كدرت البس حذاء
فرحت بشحاطة المهم .. اباب الادارة اكو كاشي بس جان مبلل واني لابس نعال سفنج
فأجيت اريد اخذ دفتر الغياب وجان عدنه انكليزي فمستعجل فمشيت مثل الراكض ليش ما الكه الادارة ( من المدير وانت نازل) واكفة بالممر ( الي كبالة اتصير الباب) فمن شفتهم خففت مباشرة ليش ما اتزحلك وعلى راسي كبل وكعت وهذولة المدرسين خطية بس اسمعهم يصيحون ( الله الرحمن الرحيم شبيك يا قدوس من وراك و جاي تركض) هذا الحجي اني نسيت حتى روحي وراها جابولي ماي وغسلت يله شوية ارتاحيت وهناك لن دك الجرس مال الدرس الاول فتيهت المشيتين
ههههههههههههههههههههههههههههههههههههه

الموقف الرابع

مرة بالخامس العلمي اني جنت كاعد ثالث رحلة بالخط الوسط فكدامي طالب صديقي اسمه ذو الفقار وبصفي ابو جاسم ( امير العشاق) فأخذت قلم محمد وظليت اضوج بيه ذو الفقار وجنة بدرس الفيزياء فذو الفقار كل شوية يندار عليه بس اني اذب القلم فحسبالة محمد ضوجة مو اني فهناك ولن حاجة المدرس كله استاذ هذا محمد يضوجني بالقلم فمحمد كال استاذ والله مو اني
فألاستاذ حاجه ذو الفقار كله كوم اطلع بره فذو الفقار كبت عنده وكام يصيح (استاذ والله مو اني همه _ويأشر علينه_كل شوية يخلون القلم بظهري ) فكله المدرس اني صارلي ساعة اشوفك بس تندار وتسولف وياهم
وخطية ذو الفقار بعد ميعرف شيحجي و طلع بره الصف وزعل علينه بس بيومها خابرته واعتذرت منه ههههههههه

الموقف الخامس

مرة بصف الرابع ابتدائي جانت عدنه مدرسة مال رياضيات بس خطية شوية سمينة وجانت 24 ساعة كاشخة وجانت بنتها وياي بالرحلة فجنت مضوجها 24 ساعة لو اخذ قلمها لو مسطرتها يعني لاعب بيها فلك
فمرة اكلت موزة ودك الجرس فدخلت للصف وبيدي الكشر وكالوا اجت ست هديل فأني رأسا شمرت الكشر بالسلة مال الزبل الي بصف الباب بس اخوكم ما يلعب سلة يعني الكشر وكع يم الباب ليش ما اختنا بالله دخلت وجان تزحلك بالكشر وكعت على ظهرها واحنة الطلاب بعد ما نعرف شنسوي احتارينه بين الضحك لو انروح انساعدها
ههههههههههههههههههههههههه
وراها اخذت فصل اسبوع يله رجعت للمدرسة ههههههههههههههههههههه

الموقف السادس

هاي المواقف كلها صارت هاي الايام بصف السادس العلمي

أ- مرة بدرس الفيزياء جان المدرس يشرحنة على وزن الجسم شكد اذا كان بخط الاستواء
فشو هذا رسم الكرة الارضية ورسم الجسم بالشمال
فكتله استاذ هذا الشمال مو خط الاستواء جان يكلي اي ادري بس اني فريتها
فكتله استاذ انشتاين بكبره ما فرها انت شلون فريتها
هذا الحجي الطلاب ماتت من الضحك
ههههههههههههههههههههههههههههههه

ب ـ مرة بدرس الاحياء المدرس جان يشرحنة على عفن الخبز فكال ( قام العالمان بدل وتاتوم بتجربة على عفن الخبز بواسطة الاشعة السينية لتوليد طفرات لكنهم لاحظوا ان الاشعة السينية قد افقدت الفطر قدرته على بناء المواد الغذائية ) فهو حجه هيج واني صحت لا خطية ... فالطلاب كلها ماتت من الضحك
ههههههههههههههههههههههههههههههههههههه

ج ـ مرة بدرس العربي المدرس كاعد يشرحنه اعراب ادوات الاستفهام

فكتب مثال ما هذا الرسول يأكل الطعام فكال وين اسم الاستفهام وشنو جوابه
فطالب كله اسم الاستفهام (ما) واني كتله استاذ جوعان جان يكلي شنو جوعان
كتله جواب الاستفهام ... ليش ياكل الرسول الطعام لانه جوعان
جان بكلي ولا ولك غبي هاي ايه قرأنية
هههههههههههههههههههههههههههههههههه

د ـ مرة بدرس الرياضيات جنت جوعان حيل بحيث كمت ارجف من الجوع
فعدنه حل التمارين العامة ( التمارين العامة كل تمرين منها حله صفحة ونص يعني كلش طويل)
فالاستاذ كال لازم احل 3 تمارين حتى تساوون ويه باقي الشعب
فطالب كله استاذ اخذنه الدرس الاخير ( جان عدنه شاغر بالدرس الاخير) فأني طفرت كتله هي هي هي هي
شنو ياخذنه جوعانين واريد انروح ناكل يا درس اخير .. بس بقوة ورهبة فالمدرس خطية صفن عليه
وكال ها اي اي خطية الطلاب جوعانه خليها لباجر نكمل
ههههههههههههههههههههههههههههههههههه

هسة اريد منكم تكتبونه مواقفكم بالمدرسة
مو تخلوني وحدي
يله منتظركم

تحياتي

تحياتي

Pěяfeçtioη

11-03-2008, 06:15 PM

ههههههههههههههههههههههههه
والله مت من الضحك على مواقفك
يالله راح اقوول موقف صار فيني
لمن كنت بأولى ثانوي
كنت العب بالشحاطه مالتي انا وصديقتي
ولا طارت الشحاطه وصارت بوجه المدرسه مالت البدنيه
فقامت وخذت الشحاطه مالتي وحذفتها بالزباله وهني انا
توهقت مااعرف شسوي عاد كانت الحصه الاخيره
يعني مافي وقت اطلع الشحاطه عاد ماكو زباله بالمدرسه
مادورت فيها الشحاطه عاد بعدين المدرسه قالتلي الشحاطه مالتج
بالزباله الي بمكتبي رحت وخذيتها بس يومها شنو ضحكت
يسلموو ع الموضوع الي يموووت من الضحك

iRaQi 4 EveR

11-03-2008, 06:19 PM

هههههههههههههههههههههههههههههههههههههه

عاشت ايديك علموضوع الحلووو

اني ادخل اضحك واطلع ما اكتب هع

شهرزاد بغداد

11-03-2008, 10:50 PM

هههههههههههههههههههههههههههههههه
قدوووووس صدك مواقف خرافية ههههههههههههه
الي رجعة بعدين خلي اذكر موقف بيه خيررر هع

°•. SaRoONa .•°

11-03-2008, 10:57 PM

ههههههههههههههههههههههههههههه

المواقف اللي مرت بيك تضحك والله حلوووووووة

اني ماراح اكتب هسة لان اني فقيرة ماعندي شي (غير لو )هههههههههههههههههههههههه

COOL

11-04-2008, 11:17 PM

ههههههههههههههههههههه
فعـلا مـواقف تضـحكـ
هع
هـسه خـلي احجي مواقفي اللي صـارت هالسنـه
مـدرسـة العـربي جـانت تشـرح النه أول مـوضـوع بالقـواعـد واحـنا مـركـزين وياها
جـان دكو بـاب الـقـاعه مـااعـرف من اجـه
والمـدرسه طـلعت من الصـف
بقـينا منتظــرين هـواايـه
نـوب آنـي ويـه مدخـلت المـدرسـه كـلت (وينهــا) هع وبصـوت عـالي
المـدرسه كالت هيـاتنـي اجيت والله كـلش انحـرجت هع
.................................................. ....
موقف ثاني ويه نفـس المـدرسـه
جـان عـدنا درس شـاغر فـجتـي مـدرسة الـريـاضه نزلتنه من الصف
احنا كلنا نزلنا ومنعرف شكو وليش نزلنا
اي المهم
جان اجتي وفتحت باب المخزن هع
آنــي ركـضت وعفتـها هع
جـان صـاحتـلي كـالت محد يروح الكـل تنظف واللي متنظف(أمـسح صـدريتها بالكـاع) شـوفو شـلون الفاظ والمديرة جانت واكفه يمها ومحجت شي
اي المهم دخلنا للمخزن وكالت نظفو آنـي بقيت واكفه ..واختنكت من ريحـة التـراب هع
اجتـي مـدرسة العـربي آنـي ركضـت علـيها بسرعة
كلتلها ست تقبلين احنا الطالبات ننظـف
احنا جايين ندرس مجـايين ننظـف ...وكلتلها المـدرسه ام الـرياضه تـكول اللي متنظف امسح رحلتها بالكاع هع
جان البنات ماتوو من الضحك هع
....اختنكت من ريحة التراب ورحت اغسل ...صاحتلي مدرسة الرياضه"(وين رايـحه)
كلتله ست اختنكت ومااكدر ادخل بعد
نوب كالتلي يلا روحـي هع
ورحت وعفـتـهاا هههههههههههه
هاي المواقف اللي اذكـرها:024:
وشكـرا خيو ع الموضووع الحلوو

فلسفة رجل

11-07-2008, 10:48 AM

فلسفة رجل

11-07-2008, 10:49 AM

هههههههههههههههههههههههههههههههههههههه

عاشت ايديك علموضوع الحلووو

اني ادخل اضحك واطلع ما اكتب هع

اي على راحتك بس ورق فلوس الضحكة

هع هع هع هع

مشكوور علاوي ابو البلاوي على مرورك

فلسفة رجل

11-07-2008, 10:51 AM

هههههههههههههههههههههههههههههههه
قدوووووس صدك مواقف خرافية ههههههههههههه
الي رجعة بعدين خلي اذكر موقف بيه خيررر هع

هههههههههههههههههههههههههههه

لو اسولفلج من طبيت بنص البلوعة جان شسويتي

ههههههههههههههههههههههههههه

مشكوورة على مرورك شوشو نورتي

ومنتظرين ومواقفك

فلسفة رجل

11-07-2008, 10:54 AM

ههههههههههههههههههههههههههههه

المواقف اللي مرت بيك تضحك والله حلوووووووة

اني ماراح اكتب هسة لان اني فقيرة ماعندي شي (غير لو )هههههههههههههههههههههههه

انت فقيرة ؟؟؟؟:048::048:

انت الفقر يكول وخروني من يمها

ههههههههههههههههههههههههههههههه

مشكورة سارة على مرورك العطر

تحياتي

فلسفة رجل

11-07-2008, 10:59 AM

ههههههههههههههههههههه

فعـلا مـواقف تضـحكـ
هع
هـسه خـلي احجي مواقفي اللي صـارت هالسنـه
مـدرسـة العـربي جـانت تشـرح النه أول مـوضـوع بالقـواعـد واحـنا مـركـزين وياها
جـان دكو بـاب الـقـاعه مـااعـرف من اجـه
والمـدرسه طـلعت من الصـف
بقـينا منتظــرين هـواايـه
نـوب آنـي ويـه مدخـلت المـدرسـه كـلت (وينهــا) هع وبصـوت عـالي
المـدرسه كالت هيـاتنـي اجيت والله كـلش انحـرجت هع
.................................................. ....
موقف ثاني ويه نفـس المـدرسـه
جـان عـدنا درس شـاغر فـجتـي مـدرسة الـريـاضه نزلتنه من الصف
احنا كلنا نزلنا ومنعرف شكو وليش نزلنا
اي المهم
جان اجتي وفتحت باب المخزن هع
آنــي ركـضت وعفتـها هع
جـان صـاحتـلي كـالت محد يروح الكـل تنظف واللي متنظف(أمـسح صـدريتها بالكـاع) شـوفو شـلون الفاظ والمديرة جانت واكفه يمها ومحجت شي
اي المهم دخلنا للمخزن وكالت نظفو آنـي بقيت واكفه ..واختنكت من ريحـة التـراب هع
اجتـي مـدرسة العـربي آنـي ركضـت علـيها بسرعة
كلتلها ست تقبلين احنا الطالبات ننظـف
احنا جايين ندرس مجـايين ننظـف ...وكلتلها المـدرسه ام الـرياضه تـكول اللي متنظف امسح رحلتها بالكاع هع
جان البنات ماتوو من الضحك هع
....اختنكت من ريحة التراب ورحت اغسل ...صاحتلي مدرسة الرياضه"(وين رايـحه)
كلتله ست اختنكت ومااكدر ادخل بعد
نوب كالتلي يلا روحـي هع
ورحت وعفـتـهاا هههههههههههه
هاي المواقف اللي اذكـرها:024:

وشكـرا خيو ع الموضووع الحلوو

هههههههههههههههههههههههههههههههههههههههههه

متت من الضحك والله

ذكرتيني بموقف بصف الخامس العلمي

جان عدنه فيزياء فرحت ادور على المدرس ما لكيته

رجعت للصف ودخلت وصحت بعلوا صوتي ( ما موجود ابو الفيزياء اطلعوا للساحة)

واشوف الطلاب ماتت من الضحك فنداريت ولكيت ابو الفيزياء وكاف يم السبورة وكاعد يشرحلهم

هههههههههههههههههههههههههههههههههههههههههههههههههه ههههههههههههههه

هاي سحكتيه بتريله محملة 100 طن سمنت
ابو ابو ه سمطتيه

ههههههههههههههههههههههههههههههههههههههههههههههه

مشكوورة على مرورك هيام نورتينا

ريتا البغداديه

11-07-2008, 12:47 PM

هههههههههه مواقف صدك مضحكه اني خلي اسولفلكم امس بالخميس شصار بيه

المدرسه ام الاسلاميه طلعت من صفنه فرحت وراها طلعت وظليت اسولف وياهه واحنه ننزل بالدرج

ومااحس اله المدرسه على راسهه وبعدين رجليهه فوكاهه طاحت من الدرج واني خرببببببببببت من الظحك ولاكلتلها اسم الله ولا كومتهه ظليت بس اضحك بس هيه انحرجت

بعديت مشيت وياهه للاداره اريد كتاب واني وراهه امشي وخرباااااااااااااانه ضحك كلت هسه بس تدور وجهه وتشوفني تموتني هههههههههههههههههههههههههههههههههههههههههههههههههه هههههههه
شلووووووووووون تضحك هههههههههههههههه

فلسفة رجل

11-07-2008, 01:36 PM

عاشــ ولكن ــق

11-13-2008, 09:15 AM

والله مواقفكم رهيبة بس يمكن لو تسولفنا مال البلوعه (( روح القدس )) يمكن تخرب ضحك ,, مو صحيح ؟! متكلي شكنت تسوي بيها ؟

اسولفلكم موقف صار ويايه .. مرة بصف سادس ابتدائي .. كانت فرصة طالعين بالساحة .. فأكو صف اجيت باوعت لكيت بي طلاب ,, كلت اي .. خلي اقفل الباب عليهم.. والله ركضت قفلت الباب من برة وشلعت .. ركضت ختلت بالصف مالتنه .. . ورة شويه اجه المدير دخل للصف مالتنه .. اجه كبل لرحلتي باوع جواها لكاني خاتل ,, كلي ها بابا ليش انته هنا (( طبعا هاي بشهر الخامس اخير السنة ) كتله والله استاذ اني بردت فطبيت جوة الرحلة ,, بعد اني لا اخذ ولا اطي ..
اثاري جانت اكو معلمة بالصف ماخذتهم اضافي ماعرف شنو واني الافندي قفلته على المعلمة ,, اجتني المعلمة ورة ما فتحولها الباب ,شالتني فلقة ,, الله لايراويكم المشهد ,

تحياتي ....

فلسفة رجل

11-13-2008, 11:58 AM

ههههههههههههههههههههههههههههههههههههه

والله يا خوية صوج صاحبي ما كلي ديربالك

اني نزلت من الكيه وجان اكو مي فمشيت

وراها ما احس روحي

الا وانزلك ليجوه وربك رفعت ايديه ..جان رحت بيها والله

بس الله لا يدخلك ابلوعة بكد ما هو الموقف مضحك بس خفت خوفة بوكتها

لان كاعد امشي ونزلت ليجوه على غفلة ..يعني ما ادري حتى شكو شصار

ومن طلعت اهدومي كلها مبلله وراسي صاير طينة

وخلفله على رجال اخذني لبيتهم وغسلت وخابرت اخوية واجاني من الكرادة وجابلي هدوم

هذا الحجي بالبياع بشارع عشرين

.................................................. ......................

ههههههههههههههههههههههههههههههههههههههههه

خطية ليش قفلت الباب ؟؟

ههههههههههههههههههههههههههههههههههههههههه

بنوتة السيدية

11-13-2008, 02:14 PM

هههههههههههههههههههه مشكور عالموضوع الحلو يموووت ضحك بس خطية اكيد الطلاب معافوك من الضحك والتصنيف

فلسفة رجل

11-13-2008, 10:54 PM

ههههههههههههههههههههههههههههههههههه

كلهم ميكعدون يمي يخافون لا يضحكون ويطردهم الاستاذ

هههههههههههههههه

الكربلائي

11-14-2008, 01:42 AM

طبعا اصعب موقف مر بيه في الثالث متوسط ابو الاحياء فتش على الكتب واني ماجايب كتابي فصاحبي احمد كاعد يمي خطية مامجلد كتابة ولاكاتب اسمة عليه فلمن وصل السرة الرحلتنا اني واحمد جريت الكتاب بسرعة خليتة كدامي اني كنت طالب عود متميز فالمدرس كبل اجة على حمودي وكلة وين كتابك حمودي نحرج كلة ماجايبة وكلالة 3صوندات بالشتاء وبعدين كوة راضيتة0000000000000000مشكور قدوس على الموضوع واني صاحبك الي كاعد ورى رحلتك

الكربلائي

11-14-2008, 02:09 AM

مشكوور قدوس على الموضوع ومواقفك حلوات

Demolition Man

11-14-2008, 07:35 AM

حلو عااااشت ايدك اذكر وارجع ارد هنه المواقف مينعدن
هههههههههههههه
يثبت الموضوع

فلسفة رجل

11-15-2008, 07:20 AM

هههههههههههههههههههههههههههههههههههههههه

لا ابد مو خبيث يالكربلائي

ههههههههههههههههههههههههههههههههههه

مشكووور عدي على المرور والتثبيت

تحياتي لكم

جذاب وحبي عذاب

11-15-2008, 08:08 PM

مشكووووووور حبيبي والف شكر
واني راح اكتب الموووقف الي صار فيني بالصف الثالث متوسط
هههههههههههههههههههههههه

فد يوم بالدوام ... دكت الفرصة ...... ولمن خلصت كل الطلاب طبو بقيت اني اخر واحد لان حنت اغسل بالمغاااسل جااان شفت المدرسة (( ست فادية ام العربي ))
ههههههههههههههه

شفتهة في طريقها الى الصف ... فاني كلت خلي استعجل ... جان رحت اركض .... اركض مايكي .. اركض مايكي ههههههههههههه

جان وصلت باب الصف (( صار البعد بيني وين المدرسة يمكن مترة واحدة ))
جان اعثر وواوكع ... هاي الحجي كدااام المدرسة ههههههههههههه
شكد عيب فشلت وكااامت تضحك المدرسة عليه واني مدنك ومبتسم من الفشللللللللل
ههههههههههههههههههههههههههههه
_______________________________
تحياتي اخوكم مايكي

شبااااااااااااااااااااااااااااااب اريد رأيكم بهذا الموقف ...........

فلسفة رجل

11-15-2008, 08:16 PM

هههههههههههههههههههههههههههههههههه

خوما صار بيك شيء ؟؟؟

هههههههههههههههههههههههههههههههههه

مشكوور حبحبي مايكي على مرورك العطر

جذاب وحبي عذاب

11-15-2008, 08:22 PM

هلووووووووووووو حبيبي
لا ما صار بية شي هههههههههههههههههه

فلسفة رجل

11-16-2008, 12:23 PM

ههههههههههههههههههههههههههههههههه

الحمد الله والشكر

هههههههههههههههههههههههههههههههههههه

kml20002005

11-19-2008, 10:07 PM

كلاش مواقف مضحكه صاربيه موقف شنت مدرسه ابتدائيه في الصف الخامس ابتدائي في الدرس العربي عدنا انشاء وكل واحد يكتب انشاء انانقلت انشاء من زميلي وغمت اقره انشاء ومعرفت الكلمه وقلت للا معلمه شنو هاي الكلمه وقالت لي بلحرف واحد اغعد بالبيت واني اكتب بدالك احن شيئ وشكرن كمال الحزين

فلسفة رجل

11-20-2008, 07:52 AM

ههههههههههههههههههههههههههههههههههههه

اي انت غير تنقل عدل

هههههههههههههههههههههههههههههههههه

مشكووور على مرورك العطر

احمد السعدي

12-04-2008, 04:28 PM

ولله مواقفك تبجي من الضحك
بس ولله مرة صار بية موقف صف ثاني متوسط
داحجي وداغش بنص امتحان الجغرافية المدرسة الواكفة علينة شوي عدها حول ومتوجد جتي صاحت بية وكتلت صاحبي الكاعد يمي وتعال اشبع ضحك وهو خطية جان فقير بس شسويلا قابل تعترف علروحك اتكلها اني مو هوة
مشكوررررررررررررر

فلسفة رجل

12-08-2008, 12:36 PM

ههههههههههههههههههههههههههههههه

والله يا الله
مالكو بس الحولة

والله خطية صديقك

مشكوووووووووور على المرور والمشاركة العطر

علي عدنان

01-04-2009, 04:40 PM

ههههههههه
تحياتي

فلسفة رجل

01-05-2009, 08:28 AM

هههههههه
مشكووور

علےي الزيےدي

04-17-2009, 04:18 AM

واللة حجي راح احجي موقفي واللة كريم
بالخامس لادبي صار بية هاذا الموقف قبل سنة
يعني خوش اي
جان بيهة الدنية تمطر مطر قوي وقليل الطلاب جايين
اخذنة ابو التاريخ اول درس والدرس الثاني محد اجانة
جان عدنة طالب ابوة اتوفة فكال المدرس روحو لصديقكم ورة الدوام
مانتحمل انروح ورة الدوام جان باب المدرسة مفتوح
كليت للطلاب خلي انروح هسة كالو بالمطر كلينلهم اي
اخوكم صار استاذ
خذيت الطلاب واريد اطلع افترينة ورة الاداة
جان شباك الادارة مفتوح وذا المدير شايل كتبي
جانو الطلاب 11 وراي
كالي وين رايح
كتلة للفاتحة كال يافاتحة وياهو الكالاك كليتلة استاذ الطلاب كال وينهم كتلة بوراي
اذا يباوع لورة ولاطالب كالي وينهم
كتلة شردو
كالي جذاب
واللة استاذ رادة يطلعن كلهم ماكو تعال للادارة
ياهو الكالاك اطلع كليلة مدرس التاريخ كال روحو
راح لابو التاريخ
كالة جذب ماكايلة
خالي انة رحت بيهة
بعدين كالي روح للصف
ماتبت طفرت الطلاب من الحايط
رحت للاداة اني واحد وياي
كتلة ال
لاب كلهم شردو
كالي شكد ضليتو كتلة اثنين
كال روحو وي الشعبة الثانية وذا اجة واحد ثالث كالي صرتو تلاثة اشوي
واجة طالب
كالي صرتو 4
المهم كلساع يجي طالب صرنة 8 ورحت بيهة
طويلة والة تعبت من الكتابة

فلسفة رجل

04-17-2009, 04:22 PM

هههههههههههههههههههههههههه لا هواية يحبوك
ههههههههههههههههههههههههههههههههههه

منور يالغالي

ريتا البغداديه

04-22-2009, 06:28 PM

هههههههه صاير مدير ونادر صاير يروح فواتح ههههههههههههههههه

فلسفة رجل

04-23-2009, 08:51 PM

وشبيها الفواتح .. شو چايها يخبل هع هع

منورة ريتا

علےي الزيےدي

04-23-2009, 11:18 PM

هااااااااااااا
ريتا ليش شنو بهية الفواتح

مارايح للحفلة
ههههههههههه

فلسفة رجل

04-24-2009, 07:50 PM

هههههههههههههههههه
منور ع المرور يالغالي

*Kindi*

05-23-2009, 11:22 PM

لتجميع مليون صوت للمطالبة بتطبيق حقوق ألطالب في الكليات و الجامعات العراقية
أذا كنت أنسان واعي و مثقف و مهتم بنفسك و تتمنة أن يكون لك حقوق شرعية ودستورية تحميك من ألظلم و ألاضطهاد فتسرع بعطاء رأيك لان صوتك سوف يقودنا الى ألطريق ألصحيح ألى طريق ألحق و بنفس ألوقت سوف تساعد عراقنا الحبيب للتخلص من الفساد ألاداري الذي يحصل في ألجامعات ألعراقية و انا أول طالب عراقي يطالب بهذا ألحق ألمشروع و بأذن الله سوف أناشد وزارة ألتعليم العالي و أناشد لجنة ألنزاهة في ألعراق. لاتتردد بأعطاء صوتك أذا كنت انت عراقي أصيل يفخر بتاريخ بلده ألثقافي بلد ألعلم و العلماء فهياء بنا من أجل أعادة بلدنا الى اصلهة العريق وهذا أقل شيء نستطيع أن نقدمه الى ألعراق

عبر عن صوتك اذا كنت انت حريص على حقوقك شارك في الكروب

http://www.facebook.com/inbox/readmessage.php?t=1083538404983&f=1&e=0#/group.php?gid=79262748935 (http://www.we4iq.com/vb/redirector.php?url=%68%74%74%70%3a%2f%2f%77%77%77% 2e%66%61%63%65%62%6f%6f%6b%2e%63%6f%6d%2f%69%6e%62 %6f%78%2f%72%65%61%64%6d%65%73%73%61%67%65%2e%70%6 8%70%3f%74%3d%31%30%38%33%35%33%38%34%30%34%39%38% 33%26%61%6d%70%3b%66%3d%31%26%61%6d%70%3b%65%3d%30 %23%2f%67%72%6f%75%70%2e%70%68%70%3f%67%69%64%3d%3 7%39%32%36%32%37%34%38%39%33%35)

مجنون في حب العراق

05-27-2009, 11:52 AM

والله المواقف هواي بس ما تحضرني واشكرك عى الموضوع

فلسفة رجل

05-27-2009, 01:47 PM

مشكوووووووووور ع المرور وردة

سيبال

06-04-2009, 04:29 PM

ههههههههههههههههههههههههههههههههههههههههه

خوش موضوع حمودي
احجيلك موقف صار هل سنة

طبعا احنا وية المدرسة جنة طالعين سفرة فكلتلنة المدرسة امشو نتمشة شوية

فرحنة نتمشة اني وياهة بس فكل ساع تجي وحدة لحد مصرنة 5بنات ومعلمتين فكلما نمشيشوية وحدة تعثر كلما نمشي شوية وحدة تعثر فأخر شي معلمة عثرت و المعلمة الثانية انجبحت جبحة ع وجهة

و احنة بس نضحك جان تجي فد معلمة تركض ع هاي الوكعت

فالمعلمة الاجت وكت يمهة بالضبط و محد مشالهن ولا كومهن لحد ما اجت المديرة
وشالتهن

واحة لثاني يوم نضحك

و هذني المعلمتين بقن شهرين ممداومين

هههههههههههههههههههههههههههههههههههههههههههههههههه هههه

فلسفة رجل

06-04-2009, 05:02 PM

ههههههههههههههههههههههههههه
يعني صاروا فلم هندي هع
مشكووووووووووورة وردة ع المرور

سيف برشا

06-20-2009, 12:27 PM

شكراً حمودي علموضوع
والله هنه مواقف هوايه
هسه اني راح احجي بس مال هلسنه
فديوم من الايام بهلسنه قررنا نشرد من المدرسه
والمعاون وكفلنا بالباب ميخلينا نطلع كلنا خلي نروح من الحيطان احسن ههههههههه
ومثل الابو بريصات طفرنا فويه ماطلعنا كلنا خلي نكعد ننتظر سيارات (kia)
فمن اجتي الـ(kia) صعدنا بيهه لكينه المعاون نفسه صاعد بيهه
جماعتي صعدوا ليكدم واني كعدت ابصفه فستوه كاعد يحجي عليه
كتله هلو استاد وصلت كروتك هوه كيّف كللللللللللش وعافني وعاقبوا جماعتي ثاني يوم وماعاقبوني

فلسفة رجل

06-26-2009, 07:41 AM

هههههههههههههههههه ولك هاي خوش واسطة هع

فراشه الرافدين

07-18-2009, 11:38 PM

هههههههههههههههههههه
المواقف تجنن هههههههه

بس فد مره صار موقف بصديقتي

عدنه مدرسه حامل ومن تجي يجيبون وراهة كرسي احمر تكعد علية

فمره المدرسه تاخرت (طبعا احنه نكيف هع)

دزينه صديقتي المراقيه هع حتى تشوفهة بلكي ماجايه ونططلع للساحه

ف من راحت البنيه راسا اجت المدرسه هع

اثاري صديقتي من اجت من الاداره شافت بنيه شايله الكرسي الاحمر

ف هيه دخلت للصف وصاحت باعلى صوتهة

بنااااااااااااااااات الكرسي الاحمر اجه واكيد الافنديه جايه وراه هههههههه والمدرسه جانت واكفه

بعد مااسولفلك شصار بالبنيه هههههه وجهة صار احممممممممممممممممممممممر هع

ويه المدرسه نفسهة
فد مره كان الدرس كولش طويل واحنه لازم نكتب عنوان المواضيع الداخله بالتحضير عالسبوره

ف اني مااكعد راحة كمت وكتبت فوك التحضير بين قوسين وبخط جبير (قصه حزينه)

هههههه وشافتهة المدرسه هههههههههه

وفد مره المدرسه جانت تشرح رياضيات هع

واني وصديقاتي دوم ماننتبهة ونضل بس نضحك ماادري شلون ننجح ونجيب درجات هع

ف والمدرسه تشرح تباوعت لصديقتي ولكيتهة منتبهة ههههه اني تعجبت

جانت عندي مساحه جبيره وضربت صديقتي وهي صافنه ههههههههههه

وصاحت اااااااااااخ خخخخخخخخخ والمدرسه كلتلهة شبيج كالت هاااااااااااااا لالا ماكو شي هههههههه

يله تعبت هههههههه

واكو بعد خخخخخخخ

فلسفة رجل

07-20-2009, 06:51 PM

ههههههههههههههههههههههههههههههههههههه
لج انت كارثة

فراشه الرافدين

07-20-2009, 09:59 PM

هههههههههههههههههههههههه

انت اكرث خخخخخخخخخخ

فلسفة رجل

07-21-2009, 01:32 PM

هههههههههههههههه قوية حيل مال انت اكرث هعهع

فراشه الرافدين

07-21-2009, 08:27 PM

هههههههههههههههههههه

اي والله لعد شكوووووووول؟ هع

فلسفة رجل

07-22-2009, 08:46 AM

هههههههههههه تاخذيها بقواعد الخامس ان شاء الله

فراشه الرافدين

07-23-2009, 08:41 PM

خخخخخخخخخخخخخ انشاءالله ههههههههههه

سولف النه بعد موقف صار بيك لان مواقفك حلووووووه

فلسفة رجل

07-23-2009, 09:25 PM

ههههههههههههه خل اخلص وتدللين وردة

فراشه الرافدين

07-23-2009, 10:39 PM

شنووووووووووو شتخللللللللللللللص؟؟؟؟؟؟؟

فلسفة رجل

07-24-2009, 07:10 PM

اخلص السادس ورايه كيمياء دور ثاني هع

!King.Of.Love!

07-24-2009, 09:38 PM

هههههههههههههههههههههههههههههههههههههههههههههه

لعد سمعوا هذا موقف صارلي بصف الخامس
فد يوم خميس جنا واكفين بتحية العلم فاجا الاستاذ ابو العربي للساحة علمود يقرا الكلمة مال تحية العلم
فهوة جان دا ينزل من الدرج انجبح فد جبحة تبرد القلب و صار رضة برجلة يعني ما يكدر يمشي ملاحضة : رضة تعني التواء في الكاحل ف اجا ثاني يوم كاعد على كرسي و كاللي كوم علي اكتب الي اردة الك ضل هوة يحجي و اني اكتب و بنص الحجي كال وووووووووووووووووووو يعني ديفكر بفد كلمة ف اني هم كتبت عالصبورة ووووووووووووووووووووووووو و الطلاب وكعوا بالكاعمن الضحك جان دخل على صفنة المدير و شاف الي كاتبة فكاللي روح عالادارة و اجا المدير و حجا وياية كاللي ليش ابني هيج كاتب عالصبورة كتلة مو هو الاستاذ كالي اكتب الي اكولة فكال المدير باجر ما اداوم الا اذا اتجيب ولي امرك فرجعت للبيت و كلت لامي لانة اني اخاف من ابوية لانة عصبي كلتلهه ماما المدير يريد ولي امري فكلتلي ليش كلتلهه هوة بس كالي جيب ولي امرك باجر جان امي ثاني يوم اجت للمدرسة و حجولهه القصة وهية جان خربت من الضحك و اني هم خربان من الضحك و المدير هم ويانة وعاشوا عيشة سعيدة

فلسفة رجل

07-25-2009, 04:03 PM

هههههههههههههههههههه والله موقف رهيب

فراشه الرافدين

07-25-2009, 08:43 PM

هههههههههههههههههههه اي والله حلوووووووووووووو

فلسفة رجل

07-25-2009, 09:14 PM

اي انت تكيفين على هيج مواقف

فراشه الرافدين

07-25-2009, 11:50 PM

هههههههههههههههههههههه لعد ليش لا هعهع

شوف

ابو الرياضيات دائما يكتب عالسبوره مثال ويمه حلين يعني 2 حلول هع

ويكول منو الصحيح هذا لو هذا وياشر على الحلول

اني وصديقتي نصيح هذااااااااااااااا ومن يتباوع النه يلكانه ماماشرين على اي واحد

بس نصيح هذا هع

هو احنه شمددرينه بالحل الصحيح هع

فلسفة رجل

07-26-2009, 07:56 AM

هههههههههههههههههههههههه خبيثات هع

فراشه الرافدين

07-26-2009, 09:25 PM

لعد قابل نسكت وما نساهم ونشارك بالدرس خخخخخخ

» ســْــآندي «

07-26-2009, 10:04 PM

اضحك موقف مره تكافشنه اني وحده بالمدرسه هههههه
صراحه مااتذكر على شنو بس اتذكر انه صارت مالخ
للستار ومابقه لا شعر والصدريه صار بيها تراب ودك راشديات وجلاليق هههههه
واخر شي اجتي المدرسه فكتنه بس لو تشوف ياقدوس تخرب ضحك ههههههههههه
يمكن جان بصف رابع ابتدائي وكل مااشوفها تفوت من يمي اذبلها بسامير وهي تتخبل طبعا لعد اشلون اخبل الواحد هههههههه اخبله بالحجي هع
وخلصت السالوفه ههههههه

lover without title

07-26-2009, 10:54 PM

السلام عليكم شلونكم يابه
مواقفكم حلوة والله موتتني من الضحك

اني فد يوم بالممر مال مدرسة وماادري
دا اضرب صديقي دفرة لان ضوجني بشغلة
ومااشوف الا المدرس بوجهي ولزكته بدفرة
بس مو قوية وصرت بموقف كولش محرج
وهو هم ضحك واخذني للادارة عبالي راح يعلسني
عاد سولف وياي كلاوات مال مدرسين اني صرت براسه
مثالي وماكو مثلي واخذت درب التغليسة وطفرت

طبعا هذا الموقف صار هاي السنة قبل مااطلع من السادس

فلسفة رجل

07-27-2009, 08:22 AM

هههههههههههههههههه والله يا سندو ... عراكة كشرة انتِ هع

ههههههههههههههههه همزين من غلست هع

منوووووووووووووووورين يالغالين

شهرزاد بغداد

07-27-2009, 06:39 PM

هههههههههههههههههههههههههههههههه
قدوووووس صدك مواقف خرافية ههههههههههههه
الي رجعة بعدين خلي اذكر موقف بيه خيررر هع

هع تذكرون هذا الرد علساس الي رجعة بس اذكر سالوفة
واليووووووم تذكرت موقف كللللللووووش>>>بعد وكت صح النوم هع

المهم نبدي بسالفتنا
بالسنة الماضية كنت اني وصفي نحظر لمسرحية والخ..
فبيوم من الايام كلتلنا المعلمة تعالو ندرب بالمسرح مال المدرسة
فاحنا رايحين للمسرح واني وصديقاتي الاثنين دندخل من الباب جان نلكي ولدين كبار ديطلعون واني جنت ما منتبهة كنت داحجي وية صديقة من صديقاتي جان تسحبني الثانية ع جنب علمود نخلي الاولاد يمرون جان تسحبني بقوووووه بحيث كان اكو عامود يم باب المسرح جان ينطخ راسي بالعامود ههههههههه
بحيث راسي كام يدور بهذاك اليوم عرفت شعور توم من تكوم العصافير تحور فوك راسه او من يشوف نجوم الظهر هع
بس شنو لو شايفين شلون انطخيت طخة براسي يعني تموووووووتون من الضحك حتى اني كمت اضحك ع نفسي هع
ومن اذكر موقف ثاني بعد قرنين اجيلكم

فلسفة رجل

07-28-2009, 02:31 PM

ههههههههههههههههههههههههههههههه
يمه سملة راسك خوما صار بيه انعواج بالجمجمة هع

شهرزاد بغداد

07-28-2009, 02:42 PM

ههههههههههههههه
لا الحمدلله اجت سلامات هع
وتدري منو الي سحبني
دلع القمر اذا تعرفها
بس لا تكلولها اني كليتلكم انها هي الي سحبتني
غير تموتني هههههههه

سيبال

07-28-2009, 08:49 PM

ههههههههههههههههههههههههههههههههههههه
االحمد لله
يلة قدوس نريد موقف حلووو

Rrand

07-28-2009, 11:07 PM

ههههههههههه
ادري كاتب قصة حياتك شنو
بس حلوووووووووووووه

ملاك الرافدين

07-29-2009, 01:52 PM

شكرا على الموضوع الحلو .....اني اكثر موقف ضحكني لمن كاعد اضرب صديقتي بطل الماي وبالخطأ وكع البطل على راس استاذ الكيمياء وانتو لوتشوفون استاذ الكيمياء شكد عصبي بذاك اليوم اشكد حصلت رزالة وانفصلت من المدرسة اسبوع كامل.....بس كلما اذكر الموقف اخرب ضحك على نفسي وعلى الاستاذ

فلسفة رجل

07-29-2009, 02:16 PM

ههههههههههههههه
لا الحمدلله اجت سلامات هع
وتدري منو الي سحبني
دلع القمر اذا تعرفها
بس لا تكلولها اني كليتلكم انها هي الي سحبتني
غير تموتني هههههههه

ههههههههههههههههههههه اي اي اتذكرها

القلب حنون

08-11-2009, 12:19 AM

شكرا روعه

فلسفة رجل

08-11-2009, 01:31 AM

منووووووووووووووووور وردة

يكفيني احساسه

08-12-2009, 12:35 AM

هذا الموضوع وين جان شو هسة يلا شفتة هههه
لي عودة مع موقف وتعليق

يكفيني احساسه

08-12-2009, 05:31 PM

قدوس قريت مواقفك
طبعاً صدق شبعت ضحك
اكثر شي عجبني الموقف الثالث

انا هم صارت وياية هواية مواقف بالمدرسة

الموقف الاول
مرة بصف الثالث متوسط جان عدنة اول درس فيزياء
انا جنت حيل تعبانة هع ( من الدرس الاول )
والمدرسة اصلاً فاهية ومطفية يعني ينراد واحد يتابع وياها لان اذا ماركزت تضل تخربط براحتة
و هية تكرة شي اسمة بخور
انا استغليت هاي الفرصة رحت شعلت بخور بالصف وسديت الباب والشبابيك
دك جرس الاصطفاف الصباحي طبعاً انا عيني على باب الصف
بس اشوف الدخان يطلع عبالك الصف عطب هع

( بالامارات عدهم عادي يبخرون الصفوف اصلاً البخور بالصف والي يعجبة يفتح عادي )

من رجعنة لكيتة بس واكفة وتكحكح كالت ( مين عمل كدة مش ادرة اخد نفسي ) هية مصرية
كتلة يا ابلة انا اسفة
بس كلت من الصبح نبخر الصف عجبني
وهية تحبي فما حجت كالت لعد ماراح نضيع الحصة
طلعو الرحلات بالساحة وخلي نشرح

هههههههه انا ضليت ادك على راسي

يكفيني احساسه

08-12-2009, 05:50 PM

الموقف الثاني
بصف سادس
عدنة مسرح يسون بي الاحتفالات
بس المسرح مشترك يعني لمدرسة ( البنات & شباب )
اغلب الاحيان اكون عريفة الحفل يعني اقرا المقدمة
( صوتي واضح وحلو هع عبالهم نانسي )
المهم دزت علية المدرسة علمود ادرب كدامها بالمسرح
انا نزلت للمسرح لكيت اكو 4 شباب هم جاي يدربون على عرض مالتهم

انا بيومها جنت منشولة وبلاعيمي طاكة
كلت هسة بس تشوفني المدرسة تكلي ماما رجعي على صفج احسن

شافتني جان تكلي يلا اقري كدامي ( طبعاً شنو بالمايكرفون )
كتلة ابلة والله مريضة
كالت لا عادي
وانا احم احم قريت ولا كلمة تنفهم وصوتي كلش ناصي
مااشوف الا هذولة الولد طاحو من الضحك

طبعاً بوكتها تمنيت بيدي 4 مايكرفونات علمود اشمرها عليهم
بس عود سويت نفسي مامهتمة وضحكت وكلت مو منشولة ونزلت من على المنصة
شكد فشلة

فلسفة رجل

08-16-2009, 07:24 AM

ههههههههههههههههههههههه طبعا انت شابعة بسامير من الكل هههههه

يكفيني احساسه

08-16-2009, 03:40 PM

هااااا
لالا مو من الكل
شحدهم ههههههه

اذكرت هسة هم موقف بس بعدين احجي

فلسفة رجل

08-17-2009, 08:36 AM

ههههههههههه شنو شحدهم .... مسويج خشبة تجريبية
وكلمن لازم المطرقة و البمسار و يطرق البسمار طرقاً مبرحاً هع

فراشه الرافدين

08-17-2009, 11:52 PM

هههههههههههاااااااااااااااي طرقا مبرحا ههههههههههههههههههههههههههه

وج حبي يغار منج هههههههههه

رامز

08-28-2009, 04:05 PM

ههههههههههههههههههه

فلسفة رجل

08-30-2009, 04:35 PM

حلوة هالضحكة هاي ... منوووور وردة

بنت الوطن

09-14-2009, 02:22 AM

هع هع هع هع ه ع هع هع هع هع ه ع هع هع هع هع هع ه ع

مو طبيعي عجبني الاول دايمآنسوي بالمدرسات

بنت الوطن

09-14-2009, 02:26 AM

اني صارلي موقف لما جوي اساتذه جدد للمدرسه مالتنه فوحد عيونه زرررررررررررررررررررررررررررررررق موطبيعي المهم صار الصريخ بالمدرسه
ماأله والي من دخل...
الكل هبووو لباب الصفوف وطبعآطالبات السادس العلمي خو ما يكعدون والكل هجوووووووم
وكفنه بباب الصف وهو دا يدخل للاداره وكلمن تكول حجايه وحده تكول والله مهند وحده تكول والله توم كروز وووو.......
المهم جان تجي وحده وتلزم كتفي اني عبالي صديقتي توني جايه احجي عليهه ولتفتت طلعت مدرستنه مالت الانكليزي ويوووووووو وا فشلتاه بس ربكم هيه تحبني لاني ما شاء الله عليه بالانكليزي طلاقه هع هع
هي انطتنه محاضره بالاخلاق بس عده الموقف على خير....

فلسفة رجل

09-14-2009, 03:14 AM

ههههههههههههههههههههههههههههههههه
الف عافية هع

بنت الوطن

09-14-2009, 05:54 AM

الله يعافيك
خخخخخخخخخخخخخ

فلسفة رجل

09-14-2009, 07:43 AM

ههههههههههههههه
خطية والله خوش كبسة هههههه

مصطفى الشمري

09-16-2009, 04:22 PM

الموضوع روووووووووووعة عاشت ايدك

فلسفة رجل

09-17-2009, 11:53 AM

تدلل حبيبي الغالي

سندريلا بغداد

09-17-2009, 03:03 PM

والله مواقفكم كلها حلوووووووووووووووووووه

فلسفة رجل

09-18-2009, 12:53 AM

مرورك الاحلى يالغالية

لمسات انثى

11-17-2009, 06:54 PM

ههههههههههههههههههههههه
والله خربت من الضحك
مواقف روعه
هاي شنو انت لازم موكف المدرسه على تك رج هههههههههههه

فلسفة رجل

11-17-2009, 11:36 PM

هههههههههههههه سابقاً مو هسة هع
منووووووووووووووووووووووورة

PiTy AnGeL

11-17-2009, 11:42 PM

محمد الوائلي

11-18-2009, 01:23 PM

شكرا قدوس على الموضوع الحلوو
هذا موقف وياي صار بلثاني متوسط
بشهر محرم
عود اني صاير رادود وجامع عشر طلاب بلصف جان عدنة درش شاغر
وجاي اقرة قصيدة لااحمدالساعدي اه يغايب
صاير الباب مال الصف وراي والطلاب كدامي جاي اقرة ومندمج وجان الطلاب مايلطمون انوب همة ساكتين ويباوعون على الباب كلت يلة الطمو
وجان من وراية المدير صديق ابوية حيل حيل من همة صغار
جان يكول ابن القندرة كالبهة حسينية جان يضربني كخفة ايد مو كرك عندة
كلبني الرحلة للكاع والطلاب يضحكون

لي عودة عندي الاقوى

فلسفة رجل

11-18-2009, 02:22 PM

هههههههههههههههههههههههههههههههههههههه
قوية من صدك
تسلم وردة

حمامة السلام

11-29-2009, 05:10 PM

انا من جنت اول متوسط اول يوم تجينة ام الجغرافية فكالتلي اقري الدرس بالكتاب يعني فجنت دا اقرة الدرس جان المدرسة كالت منو ديلغي لأن الطلاب كاعد يسولفون ولا مهتمين بالدرس واني سمعتها كالت منو ديقرة كتلها اني ست ههههههه
عاشت الايادي على الموضوع الرائع

فلسفة رجل

12-01-2009, 11:18 AM

ههههههههههه منووووورة وردة

**Kitty**

12-02-2009, 11:32 AM

ههههههههههههههههههههههههههههههههههههههه

اتذكر من كنت بالابتدائية صف اول هههههههههه كنا بعدنا كتاكيت
وكانت مدرستنا كبيييييييييييييييييييرة وبيها طلاب قيااااااااااااااااااااااامة ههههههه فاحنا دنريد نطلع للبيت وكانوا طلاب السادس ابتدائي كبار وفوكاها مختلط يعني الولد يشبعونا كتل

وتالي وراها بس دك جرس للبيت ههههههههههههههههه واحنا واكفين مجعوصين ومنشوف الا هجوم عالباب واحنا اطفال مساكين واكفين وجان نوكع وكعة والكل تجفص فوكانا عبالك حلتلهم الشغلة واحنا اختنكنا والتجفص ببطنا صار

تالي لمن نجينا ههههههههههههههههههههههههه صارت معجزة ههههههه

وتكررت نفس الشي بالثالث ابتدائي هههههههههههههههههه

فلسفة رجل

12-02-2009, 11:37 AM

ههههههههههههههههههه خطية والله
ولج هذا يقهر مو يضحك ههههههههههههه

فلسفة رجل

12-02-2009, 11:41 AM

نسيت اكلج
منووووووووووووووووورة هع

دودو و

12-10-2009, 08:53 PM

ههههههههههههههههههههههههههههههههههههههههه
شنو هاي الموقف تخرب ضحك

اوكي خلي اكلكم موقف صار بية

مرة جان دوامنة صباحي اوكي ف اني اصلا كاعدة متأخرة لان مااكوم من الفراش بسهولة وهم شتو ومدفي بالفراش وجيب الي يكومني زين زين جان اني كمت بدلت طبعا اني اذكر جنت صف خامس ابتدائي اوكي اني طلعت الساعة بال ثمانية وعشرة صباحا والدوام يبدي الساعة بالثمانيو وبعد الثمانية ميدخلون احد اوكي اني طلعت وعبالي رح ايدخلوني مشيت بالشارع جان اوكع على شيحة مال طين يبووووو تببلت وطينت وبوكتهة جان عدنة امتحان والمعلمة متتفاهم ليش ماادري الموهيم جان ارجع للبيت بدلت واني مصرة اروح للمدرسة مشيت مشيت بنفس الطريق جان اكو سيم طالع على صفحة جان اني ماادر ي بيه جان ينشك القميص ورجعت وبدلت ومصرة اروح جان اخر شيئ من وصلت للمدرسة جان يكولولي روحي نامي احسن لان رحت الساعة تسعة وراح علية الامتحان

واضحك اهئئئئئئئئئئئئئئئئئئئئئئئئئئئئئئ

فلسفة رجل

12-12-2009, 03:12 PM

هههههههههههههههههههههه حظج مخربط ههههههههههههههه

**Kitty**

12-12-2009, 04:50 PM

هههههههههههههههههه مرة قبل فترة مو هواية يعني

من دارجع من المدرسة كان دوامي ظهري يعني الساعة 5وربع تقريبا وجانت يمنا زفة مال عرس بس احنا بيتنا عالشارع العام وهواية بيه اسواق وسوبر ماركتات ومن ضمنهم مكان للتصوير
المهم...
بالصدفة العرسان وية ما فتت طلعوا من التصوير
واكيد اول ميطلعون ينزفون هههههههههههههههههههههه بس صارت عبالك الزفة الي لان بعدهم بين مديطلعون ويجون للسيارة
واول مفتت اشتغلت الدنابك والهوسة والزفة هههههههههههههههههههههههه واني النوبة اريد اطلع منها وافلت بالكوة ههههههههههههههههههههههههههههه

فلسفة رجل

12-13-2009, 06:20 AM

هههههههههههههههههههه منووووووووووورة وردة

يوزرسيف

12-25-2009, 06:14 PM

بالنسبة الية عندي

هواي مواقف بس

مديحضر حاليا موقف بالي:we4iq (30):

فلسفة رجل

12-26-2009, 08:13 AM

تسلم ع المرور