مـــا هــي افــضــل حــكــومــة حــكــمــت الــعــراق من بــعــد سـقـوط بــغــداد

[aZaZel]

السلام عليكم

نريد نعرف اراء العراقين حول افضل حكومة حكمت العراق من بعد سقوط بغداد

1- اياد علاوي

2- الجعفري

3- نوري المالكي
والله اني ما ايد كل حكومة من ذني لان تلاثتهن ما توفر بيهن الامان وكلشي ما سوو

[Eminem]

عمي تريد تديحنة هههههههههههههه اني ولله اشوفهم كلهن مو خوش حكومات ولله لان ما كدروا يحققون اي نجاح لهذا البلد العظيم شكرا على الموضوع .

[Hamodi IQ]

والله هية كلها نفس الشي
من راح صدام
بس هية المظبوط اياد علاوي

[Eminem]

حمودي انت بس لا نفسك حمودي العزاوي مو لو مومو ؟

[.::ViP-IraQi::.]

شكرا على الموضوع

هذوله ثلاثتهم واحد افكس من الخ ما اريد اكول واحد اخره من الخ لأن احترم الاعضاء
ماشفت منهم لا امان ولااستقرار ولاحريه ولاكهرباء ولا ماء ولا شي جيد بس شفت دمار وخراب وقتل ومقتول

[احمد وسام]

كلهن نفس الشي سواء الجعفري او المالكي او اياد علاوي ماقدمو شي

الاوضاع الامنية بعدها نفس الشي بس يمكن قدمو اشياء مننكرها هثلا حصنو المنطقه الخضراء وبنوها خوش بناء وسوو بيها وسائل الراحة والترفيه خطية غير حكومتنا وحقهم يتونسون :17:

[Eminem]

اي ولله كلشي ما شفنا منهم .

[aZaZel]

والله اخوان حجيكم كلة ذهب واني راي من رايكم

ويسلمو على المرور والرد

[مناف87]

يابة و روح المرحوم بس اياد علاوي اللي ظبطهة

[aZaZel]

والله كل عضو وراية وان شاء الله منتخالف :q8224:

[انشودة البحر]

والله اني همينة شايفتهم تلاثتهم نفس الشيء ماسووا شي للعراق
بس اني اشوف فترة اياد علاوي هي احسن فترة ما صار بيهة مثل ما صار بالي وراهة من تفرقة والقتل صار بلاش اكثر من كبل
تقبل مروري ورايي

[aZaZel]

يسلمووووووووو
على المرور والرد :9:

[.:LORD:.]

والله اني افضل د. اياد علاوي لان وكته جان ماكو هيج فوضى وجان نجر يعني علماني مينحاز لجهه معينه للعلم هو شيعي و طبعا كلبي ينكسر من اكول شيعي وسني لان هاي مسميات سرائيليه مسميات تفرقه اني بالنسبه الي اسميهم مسلمين للطرفين اووكي فاني اختار اياد عبلاوي لان اي واحد يوكف ويسوي بلبله يكتله ويوكفه عد حده كتل بالفلوجه وكتل بالنجف ومافرق اهم شي عنده الحكومه وسيادتها اووكي هذا رئيي شخصي وبوكته جان اكوة فساد اداري بس مو مثل هسه الي دنشوفه وماكو تهجير

وعاشت ايدك حبي على الموضوع

[Eminem]

شكرا على الموضوع .

[aZaZel]

يسلمووووووووووو على المرور والرد

[omega_3000]

الله ينتقم من المالكي اللي هدم العراق وخللى الناس كلها تهاجر للخارج , يوميا تهاجر 3000 عائلة

[hamooz]

والله الصراحه اضبطهم كلهم اياد علاوي
كلولي ليش؟؟؟
لانه هو مثل القائد الله احفظه صدام حسين
وهمين ترى كان الوضع بزمنه مو كلش زين ولا كلش موزين وسط
لو منطيه فرصه كان رجعهه
اخوكم حموووووووووز
وشكرا على الموضوع

[الاشورية]

اخوية العزيز علاوي كدر يسيطر شوية على الوضع وما جانت الدولة فالتون مثل مصاير هسه وما جان اكو محسوبيات مثل مده نشوف هلايام ؟ وشكرا ياغالي اختك الاشورية