PiTy AnGeL
11-09-2006, 05:32 PM
واني نايمه الظهر ..امي كعدتني كالتلي شوفي الاكل على النار اني هسه راجعه وهي طلعت.. اني كلتلها هسه فد خمس دقايق ورجعت نمت.. حلمت..
حلمت ان هذا المنتدى عباره عن شركه او فد اذاعه اوهيجي شي يعني.. ما اعرف جان للمنتدى بنايه يعني يمكن علساس صار شركه اوهيج شي مقارب.. المهم.. هذا المقر مال منتدى طبعا موقعه بالعراق بس ما اعرف يا محافظه وجان بالشركه خلي بنيه كاعده بالرسبشن (غرفه الاستقبال) دخلت اني عليها ..على اساس اني اعرفها.. حجيت وياها وكالتلي ان ابقى اني بالرسبشن وهي صعدت للطابق الثاني مال بنايه وكالتلي ابقي بمكانج لتطلعين.. اني ظليت افتر بالرسبشن وبعدين طلعت وكفت بالباب..جان معلكين فليكس او هو موفليكس بالظبط ..يعني لوحه اعلانيه مدير المنتدى ما اعرف لو احمد لو مومنتري امعلكها على عامود هي اعلان للمنتدى..فأني وكفت يم هاي اللوحه ودا اقراها واتفرج عليها.. جان سمعت اصوات
صوت شخص ديحجي انكليزي بس اني بالي مجان يم هذا الشخص..واتصورت انو هذا واحد بالراديو او مسجل بأحد السيارات اللي بالشارع.. باللاخير صيح هذا الشخص وشخص ثاني عراقي.. اني انداريت لكيت جندي امريكي ويا اثنين عراقيين واحد من العراقين هو شكله جان عمي اخو والدي بس باللحلم علساس شخص ما اعرفه.. حلم هندي ..
المهم.. الجندي الاميركي جان كلش امعصب وديصيح.. جان العراقي كلي ليش وكفتي بمكانج من صاحج الاميركي؟ طبعا اني تعجبت كلتله والله ما اعرف انتو دتصيحون عليه.. الاميركي لزم هاي اللوحه الاعلانيه وظل ايباوع عليهاam sorry ..realy am sorry كلتله وما اعرف شنو كلي بس اني مسمعت شنو لان من صيح عليه اني اغمى عليه ووكعت بالكاع...جان وراها واني مغمى عليه حسيت مي ديوكع عله وجهي.. فتحت عيني شفت هذا الجندي العراقي الي جان ويه الامريكي دار على وجهي مي حتى اصحى من الأغماء... بعد ما صحيت.. لكيت روحي بمكان عباره عن ساحه جبيييره بس شنو عبالك منطقه جبليه ( متأثره بالمنطقه الي ساكنه بيها بسوريا) المهم.. هو شارع او ساحه مايله يعني طريق مائل. بي ناس منقسمين قسمين وبين كل قسم من الناس تقريبا مسافه شي 50 متر او يمكن اقل ..
المهم..المؤسف ان هذوله الناس المنقسمين تعرفون شنو؟ قسم شيعه وقسم الثاني سنه.!!!!!!
طبعا اني وكفت ويه مجموعه بس مجنت اعرف ذوله منو.. جانو عباره عن نسوان وجهال يبجون ورياجيل شياب والشباب ديتقاتلون ضد المجموعه الثانيه.. الشيعه والسنه واحد يضرب الثاني طبعا بالاسلحه.. صار قصف كلش عنيف صارو الشيعه يضربون السنه بأسلحه غريبه.. والسنه يضربون الشيعه.. اخر شي شفت زوجه عمي وعمتي..كلتلهم ادعو من الله ان ينجينا .. طبعا طول هذا الوكت اني بس دا ابجي وادعي من الله ان يصلح هذا الوضع..عراقيين واحد ينهش بالثاني .. اني هنا بالحلم صرت تومب رايدر ليش مو اتقرب من المجموعه الثانيه؟؟؟ اتقربت منهم جان مريه كالتلي لتروحين بس اني رحت بأتجاهم..( هه متأثره بالكليب مال كاظم الساهر "سعاد" خخخ) المهم رحت جان واحد ولد صاح على ولد ثاني كله اخذهم اني وناس ويايه جان رجعت بسرعه طبعا ظل يضرب بأتجاهي بس مصار شي المهم من رجعت الناس كالو خلي نروح لجسر الفلوجه!!!! هو جسر صاير بالضبط من جهه اليسار من هذا الشارع ..
اني تعجبت كلتلهم جسر الفلوجه؟؟ وحده كالت اي على الاقل هناك امان!! اني كلتلها يعني معقوله وصلنه مرحله ان الفلوجه صارت امان بالنسبه للوضع ابغداد؟؟!!!!
وكعدت ولكيت روحي بغرفتي طبعا فرحت لأن هذا مجرد حلم.. بس بالواقع هو مو بس حلم..هذا واقعنا المرير..
ترى هذا مو من تأليفي لا والله من صدك حلم ..
PiTy_AnGeL
:25: :25: :25:
حلمت ان هذا المنتدى عباره عن شركه او فد اذاعه اوهيجي شي يعني.. ما اعرف جان للمنتدى بنايه يعني يمكن علساس صار شركه اوهيج شي مقارب.. المهم.. هذا المقر مال منتدى طبعا موقعه بالعراق بس ما اعرف يا محافظه وجان بالشركه خلي بنيه كاعده بالرسبشن (غرفه الاستقبال) دخلت اني عليها ..على اساس اني اعرفها.. حجيت وياها وكالتلي ان ابقى اني بالرسبشن وهي صعدت للطابق الثاني مال بنايه وكالتلي ابقي بمكانج لتطلعين.. اني ظليت افتر بالرسبشن وبعدين طلعت وكفت بالباب..جان معلكين فليكس او هو موفليكس بالظبط ..يعني لوحه اعلانيه مدير المنتدى ما اعرف لو احمد لو مومنتري امعلكها على عامود هي اعلان للمنتدى..فأني وكفت يم هاي اللوحه ودا اقراها واتفرج عليها.. جان سمعت اصوات
صوت شخص ديحجي انكليزي بس اني بالي مجان يم هذا الشخص..واتصورت انو هذا واحد بالراديو او مسجل بأحد السيارات اللي بالشارع.. باللاخير صيح هذا الشخص وشخص ثاني عراقي.. اني انداريت لكيت جندي امريكي ويا اثنين عراقيين واحد من العراقين هو شكله جان عمي اخو والدي بس باللحلم علساس شخص ما اعرفه.. حلم هندي ..
المهم.. الجندي الاميركي جان كلش امعصب وديصيح.. جان العراقي كلي ليش وكفتي بمكانج من صاحج الاميركي؟ طبعا اني تعجبت كلتله والله ما اعرف انتو دتصيحون عليه.. الاميركي لزم هاي اللوحه الاعلانيه وظل ايباوع عليهاam sorry ..realy am sorry كلتله وما اعرف شنو كلي بس اني مسمعت شنو لان من صيح عليه اني اغمى عليه ووكعت بالكاع...جان وراها واني مغمى عليه حسيت مي ديوكع عله وجهي.. فتحت عيني شفت هذا الجندي العراقي الي جان ويه الامريكي دار على وجهي مي حتى اصحى من الأغماء... بعد ما صحيت.. لكيت روحي بمكان عباره عن ساحه جبيييره بس شنو عبالك منطقه جبليه ( متأثره بالمنطقه الي ساكنه بيها بسوريا) المهم.. هو شارع او ساحه مايله يعني طريق مائل. بي ناس منقسمين قسمين وبين كل قسم من الناس تقريبا مسافه شي 50 متر او يمكن اقل ..
المهم..المؤسف ان هذوله الناس المنقسمين تعرفون شنو؟ قسم شيعه وقسم الثاني سنه.!!!!!!
طبعا اني وكفت ويه مجموعه بس مجنت اعرف ذوله منو.. جانو عباره عن نسوان وجهال يبجون ورياجيل شياب والشباب ديتقاتلون ضد المجموعه الثانيه.. الشيعه والسنه واحد يضرب الثاني طبعا بالاسلحه.. صار قصف كلش عنيف صارو الشيعه يضربون السنه بأسلحه غريبه.. والسنه يضربون الشيعه.. اخر شي شفت زوجه عمي وعمتي..كلتلهم ادعو من الله ان ينجينا .. طبعا طول هذا الوكت اني بس دا ابجي وادعي من الله ان يصلح هذا الوضع..عراقيين واحد ينهش بالثاني .. اني هنا بالحلم صرت تومب رايدر ليش مو اتقرب من المجموعه الثانيه؟؟؟ اتقربت منهم جان مريه كالتلي لتروحين بس اني رحت بأتجاهم..( هه متأثره بالكليب مال كاظم الساهر "سعاد" خخخ) المهم رحت جان واحد ولد صاح على ولد ثاني كله اخذهم اني وناس ويايه جان رجعت بسرعه طبعا ظل يضرب بأتجاهي بس مصار شي المهم من رجعت الناس كالو خلي نروح لجسر الفلوجه!!!! هو جسر صاير بالضبط من جهه اليسار من هذا الشارع ..
اني تعجبت كلتلهم جسر الفلوجه؟؟ وحده كالت اي على الاقل هناك امان!! اني كلتلها يعني معقوله وصلنه مرحله ان الفلوجه صارت امان بالنسبه للوضع ابغداد؟؟!!!!
وكعدت ولكيت روحي بغرفتي طبعا فرحت لأن هذا مجرد حلم.. بس بالواقع هو مو بس حلم..هذا واقعنا المرير..
ترى هذا مو من تأليفي لا والله من صدك حلم ..
PiTy_AnGeL
:25: :25: :25: