ليش الطالب ، الطالبة يضوجون في مرحلة السادس علمي ...

[العراق الحزين]

السلام عليكم ...

أشلونكم أخوان أخوات أنشالة الكل بصحة وعافية ....

بس أسألكم سؤال ...

ليشالطلاب الطالبات يضوجون من مرحلة السادس العلمي ...

مع العلم أنه طالب سادس علمي ...........

بس لو أعرف ليش أضووووج ما أدري ...

أنتظر ردوودكم ...


تحياتي القلبية لكم ...

أخوكم الودود

العراق الحزيــــ - حمودي - ــــــن

[عبقرينو]

والله هيه موضوجه

بس تعرف هالكد ماالناس تحذر منه
والعيون عليه الواحد يكوم يحسبله الف حساب

اضافه انهو يغير مسرى حياتك حبيبي

[ميوس]

يعني انا اعتقد انو اولا لان المستقبل راح يتحدد بيها يعني اكو قلق
وثانيا تعب لان ماكو مفكة بس قراية حتى يحصل المعدل الزين

[انشودة البحر]

لان الاهل همة يصنعون التوتر لان يبينولة انو هذا المستقبل ولازم يقرة بدل ميخففون عليه والمدرسين همينة يشدون من اعصاب الطالب يخوفوه من الامتحان مع العلم ترة هي الشغلة عادية كلش

[Hamodi IQ]

تدري ليش ؟؟

لان العلمي المواد مالته صعبة

وتشيل هم على الكلية تفكر تكول شنو راح اطلع .؟

هههههههه

اي والله

شكرا وردة .

[عبقرينو]

مممممممممممممم

خوش ردورد شباب

[العراق الحزين]

ردوود تمام


......

شكراً لمروركم

[BaGHDaD LioN]

مشكور وردة

[العراق الحزين]

العفو عمري

............

تحياتي

[ابو العرك]

و الله حقسقة الامر هيه الشغلة كلش سهلة او مو صعبة بس همة العالم ايسوولك السادس يوم القيامة يعني انت وصلت عطلة الخامس ها هية حلت عليك اللعنة عبالك و الله ما ادري اشبيهم او اصلا هو الخامس علمي اصعب من السادس العلمي لان الخامس هو البداية او دائماً البداية اصعب من النهاية و الوسط او كل شي لا ايكلك الانسان يبدا من الصفر او بعدين يلة يوصل او ايصر بيه خير او اصلا الي ايطب للسادس بدون خوف فهو ايطلع اعلى المعدلات او ايجيب معدل اعلى من الي يقرة 20 ساعة باليوم او اني هسة راح ابدي سادس يعني اني دخلت مثل ما ايكولون الناس يوم القيامة او اني ابنضري هو هذا تجربة حلوة كلش للانسان لذلك اكول الكل واحد يدخل للسادس روح ابفالك او لا اتخاف و شكراً اخوكم ابو العرك

[CrAzY LoVe]

والله اني اكره المدرسة بكل صفوفها هع هع

بس هاي السنة يعني كئابة فووووول

والمشكلة اخر سنة

[FiRaS AL7SHASH]

مشكوررررررررررررررررر

[ღ؟ღعـمـوري الخـبـيـثღ؟ღ]

مشكووووووور


على الموووضوووع ونتمنى المزيد


تحياتي عموري الخبيث

[Outlandish]

لا حبيبي الجواب عندي اني اكولك ليش اولا لان الطالب مراح يكدر يروح للمنصور او للكرادة ويفتر ويباوع على النسوان ولا يكدر يحجي بالتلفون ويا الحب لان يحس نفسة مقيد ومنا اهلة يضغطون عليه ومنا المحاظرات شالعة كلبة ومنا من يريد ياخذ السيارة يجي ابوه يكولة من تخلص السادس عود اشتريلك وحدة او اذا يريد يروح لسوريا او اي دولة يكضي وكت اهلة يكولولة خلص سادس وتدلل فهي هاي الشغلات الي تضوج وتدمر الواحد .

تحياتي هههههههههه

[PiTy AnGeL]

والله هيه موضوجه
بس تعرف هالكد ماالناس تحذر منه
والعيون عليه الواحد يكوم يحسبله الف حساب
اضافه انهو يغير مسرى حياتك حبيبي

صحيح كلامك كلش صحيح

[IBRAHIM-HUMAX]

والله اني همين اكرهة سالفة السادس ولو بعدني بس يمر والله يمر وترووحوون للكية ويبدا التسخيت هههههههههه
تحياتي

[انشودة البحر]

والله السادس صعب وكلش صعب
اني هسة صرت بالسادس وهسة دا اعاني ودا اشوف الصعوبة الي ديعاني منها طالب السادس
والتوتر الي بيه لان اشكد مدا اقرة مدا اضبط المواد واتخليني متاهلة ادخل للامتحان واني ضامنة المعدل

[blbl al iraqi]

يا جماعة أنا صارلي سنتين بالسادس ومن حجي الأهل والكرايب والناس والأساتذة بالمدرس والأساتذة الخصوصي والطلاب الي عالأساس همة أصدقائك ويريدون مصلحتك وهما كلهم جذابيين وأنانيين مع احترامي ألكم صرت ما أطيق أسمع كلمة (سادس) وأول سنة جنت أريد أطلع معدل بس هسة يعني ثاني سنة بس أريد أنجح وأخلص من السادس لأن ما ظل عندي تحمل للأشياء ألي ذكرتها وأريد أخلص من الكلمات الي أسمعها بالسادس مثل (أدرس_هاي اخر سنة_مستقبلك=ودنعل أبو هالمستقبل الجايف_أنت ابو السنتيين_وأذا أظل أعدد راح أحجي سوالف ما حلوة)ونصيحتي للطلاب ألي جايين للسادس هية يتونسون بالعطلة ومن يبدي الدوام يبدون بالدرس وعلى قد ما يقدرون أو على قد ما يتحملون ويتوكلون على ألله لأن التوفيق من رب العالمين وما يتأثرون بكلام الأصدقاء ألي دائمآ يدمر الواهس ألا من رحم ربي وألله كريم_مشكورين عالموضوع واعذروني على بعض الكلمات لأن أنا مشتعل قلبي من السادس وسوالفو

[لؤلؤة اليرموك]

واللة الصراحة السادس ميخوف لان تقرة متقرة هية النتيجة نفسهة ونصيحة لا تعبون نفسكم يعني عطلة 40 يوم كلش كافية واهم شي لااااااااااا تقرون المرشحات اللي تاخذوهة من الاساتذة واللة كلهة جذب مجرد تخويف للطالب وحتة تزيد سمعة الاستاذ (الطالب كلشي ميستفاد وشكو علية الاستاذ ) لان الطالب من يسمع اكو مرشحات يكول هاهية شريد بعد يروح يقراهة ويعوف كل شي يطب للامتحان ميعرف شيسوي فأحسن شي اتركوهة واقروا الكتاب وبس كلش كافي

[همس الذكريات]

لان مرحلةالسادس تحدد المستقبل

[بنفسج]

والله هو ما يخوف بس الخوف ناتج من اوهام بسبب ضغط الاهلل :blowup:

[زهوري]

شكرا واللة الردود صح وتمام 100%

[حسين الميالي]

لأن تطلع روحه بالسادس

[Mohammad AL-Mosawi]

تدري ليش اول شي
مصير الطالب هو السادس ومستقبله امامه يعني لو يطك طكه مرتبه لو يرجع للخلف
تسلم