عندي مشكلتين واريد لهما حلا بسررررررررررعه

[الدبة دوت كوم]

اخوان عندي مشكلتين ومن يقدر يجاوبني رجاءا لا يبخل علي
اول مشكله :من افتح ايميل الياهو او الهوت الرساله تظهر مشفرة وهاي طبعا انا اعرف حلها اني اختار اللغة العربيه من قائمه view ثم encoding وراح تظهر الرساله بصورة طبيعيه لكن المشكله وين؟؟؟ اني بس اعرض رساله ثانيه راح اواجه نفس المشكله السابقه يعني ما احتفظ بالتغير الجديد وهاي طبعا شغله ممله
ثاني مشكله: انا عندي خط من مكتب انترنت لكن قبل كم يوم لاحظت انه ماجاي اقدر احمل اي شي يعني ماكو(داونلود) اذا اريد انزل برنامج او (اتاج فايل ) مثلا ولما سالت صاحب المكتب يقول المشكله مو من الشبكه لكن المشكله في حاسبتك ......شنو ممكن تكون المشكله وشلون اقدر اعالجها
رررررجاءا اخواني لا تبخلوا علي بالرد

[Hak Baghdad]

اخوان عندي مشكلتين ومن يقدر يجاوبني رجاءا لا يبخل علي
اول مشكله :من افتح ايميل الياهو او الهوت الرساله تظهر مشفرة وهاي طبعا انا اعرف حلها اني اختار اللغة العربيه من قائمه view ثم encoding وراح تظهر الرساله بصورة طبيعيه لكن المشكله وين؟؟؟ اني بس اعرض رساله ثانيه راح اواجه نفس المشكله السابقه يعني ما احتفظ بالتغير الجديد وهاي طبعا شغله ممله

اختي هاي على الكل يعني مو بس انتي


ثاني مشكله: انا عندي خط من مكتب انترنت لكن قبل كم يوم لاحظت انه ماجاي اقدر احمل اي شي يعني ماكو(داونلود) اذا اريد انزل برنامج او (اتاج فايل ) مثلا ولما سالت صاحب المكتب يقول المشكله مو من الشبكه لكن المشكله في حاسبتك ......شنو ممكن تكون المشكله وشلون اقدر اعالجها
رررررجاءا اخواني لا تبخلوا علي بالرد

اي شوفي من شبكة الفوك اخاف متحركة للكرد او شارة ضعيفة


تحياتي

[الدبة دوت كوم]

شكرا اخي على الرد لكن المشكله الاولى ماكانت موجوده الا من فترة قصيرة يعني مو الكل يعاني منها اما بالنسبه للمشكله الثانيه فالاشارة عندي كلش اوكي وقويه وحتى التصفح سريع فقط ماكو داونلود نهائيا ولا حتى بطئ

[Hak Baghdad]

بل نسبة الاولى والله يمي موجودة وحتى جم واحد سئلتة كلي نفس شي

ومشكلة ثانية فرمتي حاسبة واذا نفس حالة يعني من عندة
او روحي كوليلة امسح اسمي وعيدة من جديد

[عبقرينو]

عيني اني اكلج

اكو احتمالات

اولا من يضعف الوندوز يسوي هيج حاله وهذا اني اشوفه بحالتك مو السبب الرئيسي لان مثل ماتكولين
التصفح عادي
ثانيا يمكن عندك اكو خلل بالاكسس بوينت ((جهاز الاستلام ))
اريدج اتشوفين اكو (Time out) بالاشاره وهاي تعرفيهه عن طريق الران وتكتبين الايعاز هذا
((t- الايبي الرئيسي ping )) راح تطلع عندك قيم اذا طلع عندج كلمه time out هذا يعني اكو ضعف باستلام الاشاره او التقطع المستمر وهذا يخلي الداونلود ضعيف
او انهو ماكو time out تلاحضين اكو اختلاف كبير بالارقام يعني التغيير الي يصير بين الارقام جبير

شوفي هذا المثال

http://www.9m.com/upload/28-11-2006/0.751164725564.jpg

اذا كان عندج هج ارقام يعني ماكو خلل
بس اذا كانت الارقام متفاوته بصوره كبيره
والتفاوت يصير بكلمه Time= الرقم ms


وهاي حلهه بالكرد (( الاريل على شكل شبكه ))
واذا عندج منه يعني ماعندج اشكال باستلام الاشاره

وللتاكد حتى اتعرفين انهو اكو خلل من يمج باستلام الاشاره ادخلي على الاكسس بويت
وشوفي قيمه الاشاره المستلمه

واذا ماكو خلل فأتكدي انهو ماكو خلل من يمج

بس اهل المنظومات اما يصير عليهم لود عالي
او همه يحددون لكل واحد قوه الخط الي يستلم بي
وهاي المشكله الاغلبيه يعانون منهه
والسبب الرئيسي من ابو المنظومه
او من القمر نفسه


واذا اكو استفسار ثاني اني حاضر
او ارسيليلي رساله على الايميل ماالتي افهمك اكثر

[Hak Baghdad]

خوش شرح اسومي عاشت ايدك
بس اني صارت يمي مثلها تماما كتلة امسح اسمي ورجعة واشتغل طبيعي

[الدبة دوت كوم]

اخي اسومي بس ردت اعرف شنو هو الايعاز بالضبط اللي قلت عليه اكتبه بال(run) ؟؟؟؟؟؟
ثاني شي ردت اعرف شلون ادخل على الاكسس بوين ممكن شويه توضيح
مع العلم انا عندي الاريل على شكل شبكه

[Hak Baghdad]

اختة مالها علاقة بل بنك لان تصفح عندج عادي ماتئثر

مثل مكتلج
روحي علية وكولي امسح اسمي ورجعة من جديد
يا فرمتي الحاسبة

تحياتي

[عبقرينو]

عيني هاك احب اكولك شي عزيزي

التصفح مايبين بي اكو تقطيع بالاشاره ابد

وانته من كتله امسح اسمي هوه غير موقع الماك ادريس مالتك بالمنظومه
وصارالك افضليه بالاشاره لانه انته صاحب اشتراك جديد وهاي ميزه المنظومات

تكدر اتكول اغراء هههههههههههههه

بس امبين انته عندك واسطه ويا لو مدوخه من هالكد ماتروحله
عيوني هاك
انته اكيد تعرف اسلوب عمل الشبكات لان ماشاء الله عليك بالمنتدى
المهم قوه الخط يتحكم بيهه ابو المنظومه ويقسمهه شلون ماتقسم الهارد
بس احنه لازم نتاكد من انهو اي خلل ماكو يمنه حتى من نحجي نحجي بزودنه

يعني لو اريد ادخل بالتفاصيل ندوخ ومانستفاد

الشغله كلهه من يم ابو المنظومه
واذا اتريد الصدك هوه هم مرات ماله ذنب لان القمر ارساله يخرط

هسه دوختكم مو

يااااادوت كوم عيني
اولا الايعاز الي تكتبي بالران هوه
ping 192.192.186.22 -t
بس اكو ملاحظه انهو هذا الايبي من عندي مثال انتي تكتبين الايبي الرئيسي بداله

اما عن الاكسس بوينت فهذا اذا ماتعرفن فصعب عليج

بس راح اشرحلج
192.192.186.22//:ptth

بس نفس الشي هذا الابي للتوضيح
انتي اتخلين الايبي الرئيسي بداله
ومن تدخلين راح يطلعلج واجهه بيهه يوزر نيم وباسوورد
تكتبين باليوزر نيم ((admin))
وتعوفين الباسوورد فارغ

وراها راح يفتح الج واجهه الاكسس بوينت كموقع عادي
على ايدج اليسره تختارين كلمه(( واير لس))
راح تنفتح عندج واجهه تلكين بيهه كلمه سكان
ادوسين عليهه راح يطلعلج اسم المنظومه الي نتي ساحبهه منهه
ويمه قوه الاشاره المستلمه

بس نصيحه اذا ماكانت الج خبره لاتدخلي
لان اخاف تخرطين البرمجه مل الاكسس بوينت
واذا دخلتي وكتبتي الاسم ومادخلج
يعني ابو المنظومه مسوي باسوورد على الاكسس بوينت وماتكدرين الدخول



بس ملاحظه ماطول عندج كرد يعني انتي الاستلام عندج صحيح
الا اكو خلل فني بالربط او عطل بالاكسس بوينت

بس اني الي متاكد منه انهو الخلل من يم ابو المنظومه
هوه موخلل بحد ذاته بس ضعف بالاستلام
وتكدرين اتكوليله غيرلي الايبييات
او مثل ماسوى الاخ العزيز هااااااااااااااااااااااااااااااك

واسف اذا طولت وطلعت عن الموضوع

[Hak Baghdad]

بس امبين انته عندك واسطه ويا لو مدوخه من هالكد ماتروحله
عيوني هاك




يعني هيجي مو لمن تصير مشكلة او تصفح مو زين ماروحلة واصلا اني ماوصلة وهو اكثر من صديقي بس راس شهر ادفع اشتراك وارجع وماضن كاتب اني بل ردود اني مدوخ ابو منضومة او اي شي

[Hak Baghdad]

:35: :35: :35:
مو ماعندي شغل عمل اروح يمة اني والله عليكم عقلية

[Hamodi IQ]

مثل ما كال هكوري ..