قصيدة يحسين الك جمرة حزن

[يتيم العراق]

يحسين الك جمرة حزن ماتنطفي
وحسرات الكلوب التحن ماتنطفي
ننخاك بدموع التهل يايوم يلتم الشمل
وحسرات الكلوب التحن ماتنطفي
يحسين دمعات العتب تختلف عن باجي الدمع
تجرح العين وعلوجن تترك اثر بيه طبع
واليمتلك عزة نفس صبره كلف ماينجرع
اومن ثكل هضمه لو يون ونة دفن ماتنسمع
والشاري كدره وعزته بغالي الثمن
ما يذب عركة كصته بغالي الثمن
وعل شهم صعبه من يذل
يايــوم يلتم الشمــــــــــــل وحسرات الكلوب التحن ماتنطفي
يحسين الك جمرة حزن ماتنطفي
*******************************

يحسين لومانعتقد مايرد عندك كل طلب
ما جان يبن المرتضى طولنه وياك العتب
من عدنه جم طارش وصل ومكتوب بالدمعه انكتب
بين الي بلغربه اندفن وبين الاجل منه كرب
جم شيعي يتمنه اله يمك كبر رايد يبن عقد الوله يمك كبر
وي امن اليمك يحل يايوم يلتم الشمل
يحسين الك جمرة حزن ماتنطفي وحسرات الكلوب
التحن ماتنطفي
*****************************
يحسين شتتنه الزمن وكل واحد اصبحنه ابلد
والعوز تسهل شدته والبعد يحسين الاشد
بالوطن حتى المر عسل وبالغربه مر طعم الشهد
وجم عام كضينه ابأمل وجم عام نتأمل بعد
كل يوم وانكول الفجر تطلع شمس
ومن العراك بكل كتر تطلع شمس
وهلال الملاكه يهل يايوم يلتم الشمل
وحسرات الكلوب التحن ماتنطفي
يحسين الك جمرة حزن ماتنطفي

حنينه يحسين وبعد مانحمل افراك وهجر
وشابح نظرنه الكبتك كل يوم كل ساعه التمر
بكل كلب لهفة وفه ونحسب ليالي وننتظر
نكصد زحوف الحضرتك كل محب ناذر هلنذر
والنذر ذمة كل وفي صادق عهد
جلدين لازم ينوفي صادق عهد
والنشمي مايخشى الجتل يايوم يلتم الشمل
وحسرات الكلوب التحن ماتنطفي
يحسين الك جمرة حزن ماتنطفي

يحسين بترابك عطر ينوصف للحاير دوه
ولعيون مكفوف البصر مرود كحل لمعة ضوه
والهوه المروي بمرقدك بالدنيا هو اعذب هوه
يحسين مايضمه المحب من ماي حبك لو روه
يبن الزجيه وكبتك جنة عدن
يامن ضمنت الشيعتك جنة عدن
ياشيعي من حبك يمل يايوم يلتم الشمل
وحسرات الكلوب التحن ماتنطفي
يحسين الك جمرة حزن ماتنطفي

مجنون يحسين اليضن بالقوه حبنه ايغيره
هو الرضع در والوفه ومن صلب طاهر مصدره
ياخوف ياظالم بعديوكف اكباله ايناحره
يحسين ينكرمنحرك وبعينه يرخص منحره
وكل المناحر فدوه الك يبن الوصي
لاجن نريد انسايلك يبن الوصي
وتصيح جم طفله وطفل يايوم يلتم الشمل
وحسرات الكلوب التحن ماتنطفي
يحسين الك جمرة حزن ماتنطفي

[على امين]

ماننحرم من جديدك

[يتيم العراق]

الله يحفظك اخي علي امين
انا خادم للامام الحسين واهل بيته

[محمد الدلفي]

السلام عليك يا سيدي
ويا مولاي
وابن مولاي
شكرا ع القصيدة الجميلة
تتثبت وتقيم
تحيااااااااااااااااااااااااااااااتي

[اميرة العراق]

جعلك الله من المحبين والتابعين
لــ ال الحسين عليهم السلام اجمعين
بارك الله فيك فقد كتبت واجدت
جعلها الله في ميزان حسناتك

[هدى الاسلام]

مشكور عل القصيده الرائعه عاشت الايادي

[Engineer alrafedain]

شكرااااا على القصيده الرائعه للامام الحسين عليه السلام

[يتيم العراق]

بسم الله الرحمن الرحيم
اجمل التحايا الى الاخوه والاخوات محمد الدلفي و
اميرة العراق و هدى الاسلام و مفارق الاحباب على
مروركم وتقييمكم للقصيده الحسينيه وهذه كلها
من بركات الحسين عليه السلام نسال الله بالحسين
ان يحفظ جميع المسلمين في كل بقاع العالم وانتم معهم

[محمد الوائلي]

سلام الله عليك ياسيدي ومولاي يا ابا عبد الله
بوركت اناملك

[*ضحى*]

عاشت الايادي
روعة