عبد الغفار العباسي

[العنقاء]

اليوم نقدم شيخ جليل اسمه عبد الغفار العباسي شيخ ولا كل الشيوخ كان يظهر كل جمعه في تلفزيون عدي صدام حسين تلفزيون الشباب يقدم برنامج ديني وكان عبد الغفار ياخذ راتيه من الجنه الاولمبيه لانه كان يلعب بالدين طوبه وكان اول شيخ بالعراق يغمز بالتلفزيون عليه غمزات تخبل




وفي احد حلقات برنامجه ارسلت امريه رساله تشكي انها لديها 5 اطفال وزوجها ميت وتقول هل استطيع ان اخذ من المصلين في يوم الجمعه مساعدات ماليه هل تعتبر اني اتسول ورد الشيخ الله يساعدك اي بنتي انتي محتاجه لتربيه اطفالك الخمسه والحياة صعبه وبعدها اجت رساله من مشاهده تقول اني شيخنا عندي بزونه بالبت وانطيها اكل بس من اروح للشغل اعوفها بالبيت اسد الباب عليها
اخاف تطلع بالشارع خو مو حرام جان عبد الغفار يصير عصبي وكال ولج اسمعي يابطرانه ولج هاي مشاهده قبلك تريد اتجدي حتى تجيب خبزه الى اطفالها الخمسه وانتي حايره بالبزونه مالتج


وبحلقة من الحلقات وحدة دزتله رسالة تكول شيخنا الجليل
اني زوجي معذبني وسكير ويشرب عرك ويريد اني اسويله المزة
هو ماقصر عاد جاوبها
اي يامره هي خيرات ولبنات وشويه طماطة ولبلبي وفضي السالفة وسهلي امر الرجال مو هذا رجلج يامره



واكثر حلقه شدتني رساله وحده تقوله شيخنا يصير البس ستريج لو حرام ؟
قاللها بنتي هو من اسمه ستريج يعني يا بنيه ستري رجليج





وينه عبد الغفار العباسي وين صفى بيه الدهر؟
وهل هو شيخ سبورت ام شيخ بس منظر؟
اكثر شي تذكر من رسائل المشاهدين ؟

[قلب العطاء]

يسلمو اخت العنقاء عل الموضوع بالفعل مضحك جدا هذا الشيخ وماكان يحلله وللاسف كله من اجل نقود حرفوا ما حرفوا من الامور الدينيه وتقاليد الاسلام..

[أغرقني موجها]

يسلمو العنقاء ضحتيني

آني ما أرعفه لأن معشت بالعراق و شفت تلفزيون الشباب

[lucky sky]

ههههههههه معقوله؟
مادري بهيج شيخ والله
بس خوش شيخ رأسا للنار

[عبقرينو]

ههههههههههههههه

عندج طلعات عنقنق
يمكن هسه بسوريا عايش بالتل يم الحبايب

[فلسفة رجل]

ليش هو صاحب التلفزيون شلونه ؟
حفلاته للصبح و فاجر وفاسق و زاني
فهذا الشبل .. من ذاك الاسد

[حاجيني بعيونك]

امممممممم يجوز التهى بمغيرات الحياة

برأي شيخ بس منظر

تحياتي ...موضوع حلو

[العنقاء]

المشاركة الأصلية كتبت بواسطة قلب العطاء

يسلمو اخت العنقاء عل الموضوع بالفعل مضحك جدا هذا الشيخ وماكان يحلله وللاسف كله من اجل نقود حرفوا ما حرفوا من الامور الدينيه وتقاليد الاسلام..

فعلا كان يحرف لكن كان كل جمعه يطلع على الشاشه ويبدي يفتي بكيفه
منور قلب العطاء

[العنقاء]

المشاركة الأصلية كتبت بواسطة أغرقني موجها

يسلمو العنقاء ضحتيني

آني ما أرعفه لأن معشت بالعراق و شفت تلفزيون الشباب

خوش سحكت مصري زيد
حرامات ما تعرفه جان شبعت ضحك على سوالفه

[العنقاء]

المشاركة الأصلية كتبت بواسطة lucky sky

ههههههههه معقوله؟
مادري بهيج شيخ والله
بس خوش شيخ رأسا للنار

هههههههههههههههههههه سماء شلون ما شايفته جان يطلع كل يوم جمعه قبل الفلم الاجنبي على تي في الشباب