اعوذ بالله من بنات الاقسام الداخليه

[مغروره]

موضوعنا مبين من عنواانه.


البنات اللي يطلع قبولها بجامعه بعيده عن اهلها بمحافظه ثانيه .
شي اكيد ماراح تروح وترجع يوميه تضطر تسكن بالاقسام الداخليه.
كل اسبوعين او كل شهر تجي تزور اهلها.
ومثل متعرفون الاقسام هناك تجمع البنيه الصالحه والموزينه سوى
نسمع اكو حالات سرقه تصير
و تلفونات ومواعيد
واشياء بعيده عن التصور توقف العقل

فهل هذا ينعكس سلبا على اخلاقيات البنت؟
على اعتبار مجبوره تعاشر هيج بنات.
ولانها بعيده عن رقابه اهلها يكون الها مطلق الحريه بالتصرف.

وكلنا نعرف انو العيب على الدوله المفروض تأمن لكل محافظه جامعات.


الامر الاخطر

شبكات وشقق لااخلاقيه تم العثور عليها تنتمي الها هاي البنات

اكثر من فتاة قتلت في احد مجمعات الاقسام الداخليه

السباب مجهوله وقيدت القضايا بسبب الاهمال

اعتقد الموضوع خطير


فـ خلونا نخوض بهذا المجال ونحب نشوف آرآئكم

[مصطفى العراقي]

السلام عليكم
موضوع جميل
البنت المترباية لو وين متوديها تضل على طبيعة تربية اهلها لها يعني مو كل اصابيعك سو هو فى كل بكان اكو الزين واكو المو زين

[مغروره]

نعم بس اني موهذا قصدي


قصدي انه اكو مصايب وفواجع تحدث بالاقسام الداخليه للبنات في كل المحافظات

زالانسان مهما كان قوي يبقى بالنهايه انسان وممكن بلحظة يضعف

اعتقد الموضوع اخطر واقوى واعمق من شغلة تربيه


منور خيوووووو

[موجه الرافدين]

اكو مثل شيكول لحم الغروف من يومه معروف يعني البنيه وين متحطها تضل زينه وهذني البنات هنه من هيجي وهنه اخلاقهن هيجي فيعملون كل الاشياء الموزينه تقبلي مروري حبيبتي

[mis_flower]

كل انسان و أخلاقه لو وين مجان موجود

[مغروره]

المشاركة الأصلية كتبت بواسطة موجه الرافدين

اكو مثل شيكول لحم الغروف من يومه معروف يعني البنيه وين متحطها تضل زينه وهذني البنات هنه من هيجي وهنه اخلاقهن هيجي فيعملون كل الاشياء الموزينه تقبلي مروري حبيبتي

صحيح بس مودايما للاسف


وعلى فكرة مووعي موفقط على شغلة العلاقات ومالى ذلك


اكو ناس تتقصد الاقسام الداخليه وتستخدم بنات الاقسام في كثير من الامور

واكثر من مرة امن الكليات قبضوا على شبكات متخصصه

واكثر من فتاة قتلت


والاسباب مجهوله

للاسف مااكدر اذكر اي اقسام داخليه

[مغروره]

المشاركة الأصلية كتبت بواسطة mis_flower

كل انسان و أخلاقه لو وين مجان موجود

حياتي موهذا الموضوع

داحجي على الي ديصير بالاقسام الداخليه

[فلسفة رجل]

لازم يحطون مشرفات على الاقسام و ضوابط توافق عليها البنت قبل ان تنضم للقسم

الضوابط تحدد خروجها و دخولها و توفرلها احتياجاتها من كل النواحي
و كذلك اعتقد لو يخلون سوبر ماركت بكل قسم يؤمن طلبات البنات التسوقية

حتى نخلص من السوالف الي جاي توصلنا

بنيه وره موعد رجوعها ب3 ايام هي ماكو
امها اجت عليها كللوها ماكو صارلها 4 ايام
خامس يوم اجت البنيه و صاحبها بسيارته
الام فقدت الوعي بالكلية !!!!!!!!!

من هاي و قيسي

و اعرف شباب قسموا ان ميتزوجون بنية مداومة بالكلية إلا إذا تزوجها قبل دخولها
من وره هالسوالف الطايح حظها


جزيتم الف خير على الطرح المميز

[D.KEANNO]

اووووووووووووو

هذا الموضوع يوكف العقل

والله سامع قصص ما تتسولف خليهه سكته احسن

مو مال حجي

تحياتي

[صفاء الموسوي]

السلام عليكم ورحمة الله وبركاتة
بلبداية مشتاقيلكم وايضا الى مواضيعكم الجميلة...

في ما يخص موضوعك عن الاقسام الداخلية ... فأنا طالب قسم داخلي في جامعة البصرة ,,
وصحيح هذا الشغلة موجودة لكن يمكن اقول عنها ضئيلة جدا بسبب التشددات داخل القسم او غيرها ,,,,

القسم الداخلي وما ادراك ما القسم الداخلي
فاذا كانت انسان ضعيف الايمان وتتغير بسهولة فان القسم الداخلي سوف يغيرك 100% بسبب الاشخاص الذين تجدهم امامك .....
بس تبقى ورة التربية والله اذا تربيتك في بيتك عالية فمن المستحيل ان تتغير البنت داخل القسم الداخلي,,, ولبنت من الممكن ان تتصل او تطلع مع اي شخص وهي في بيتهم لكن كما ذكرت لك التربية...


اما في ما يخص ما قالة سيد قدوس
ان يحدد وقت الخروج ولدخول فألاقسام محددة الساعة الثالثة ان تاتي البنت الى القسم او تتعرض الى مسألة يعني انا كلك العصر كذب البنت ما تكدر تطلع لان اكو حراسة مشددة...
اما السوبرماركت فموجود داخل القسم الداخلي للبنات ...

وهي هواي سوالف بس كما قلتي العتب على الدولة المفروض توفر جامعات داخل المحافظات بس هذا هم مو سبب يجعل البنت تتخذ طريق غير طريق...

وتقبلي ردي المتواضع
صفاء الموسوي